由新年假一直keep住早訓到今日都係失守，
之唔係又係雜誌埋版囉，仲有咩原因姐？
尋晚用埋請求art team眾人支援o既手段，
12點KO晒D稿，but改printout真係唔係講笑，
改到零晨6點先call的士閃人(好在今次有車)
番到屋企食埋個辣麵都7點先訓得。
 

好耐之前就迷上左呢首歌，旋律優雅得黎，
帶有一絲絲淒美，亦好耐之前就有呢首o既tab譜，
有簡易版同難版，簡易版太單調，難版太複雜，
(就好似音game咁有basic有normal有extream XD)
一直都克服唔到難版所以放置甚久......
直到最近唔知點解又克服到，衣家仲越彈越順添，
不過我彈o既仲未係完全版，而係將難版部份簡化左，
介乎extream同basic之間o既normal難度 XD
最重要係彈起黎順暢，執著響難度彈到卡住就唔爽，
仲彈到上晒癮，訓前彈一次，出門前彈一次，
唔係死練，係娛樂，好enjoy，好玩過音game，
自己親手彈出咁優美o既音樂，除左有滿足感之外，
果種響受o既級數係齌聽播CD都無法比美o既！
講開又講，之前唔知隔離屋定樓下鄰居，
都傳出呢首歌o既鋼琴聲，果陣聽落都好羡慕佢，
可以親手彈呢首歌(雖然都間中有彈錯或疾左)
近年又無再聽見琴聲，唔知係搬左定戒左彈琴(?)
唔會掛？只要個琴一日響度點都手痕想彈兩野o既，
所以係搬左o既機會多D。

對80後黎講相信星爺o既電影都係經典之作，
我自問都迷過佢o既巨著，如食神、少林足球等，
中學時期食神o既台詞更背得滾瓜爛熟。
TVB(重)播呢套喜劇之王就唔敢再認自己係粉絲，
我記得當年係入戲院睇o既，但對呢套戲o既印象，
只係得句「痛呢係由外到內再到番外」
但咩程況講呢句都講唔出，一路睇番一路驚奇，
一路自問「乜套野有呢一幕咩？係咁發展架咩？」
張柏芝係做舞女，連有莫文蔚呢個角色都唔知，
你話早期星爺d作品無印象就話姐，果陣仲細，
呢套喜劇之王係佢中後期o既仲要響戲院睇，
點解可以零印象？會唔會係套劇太失敗？
的確睇完感覺係好麻麻，d笑位到侯唔到肺，
無睇食神或少林足球果份衝擊感。

如果呢個blog有multi分類就好啦，
有好多時寫blog都煩定邊個分類好，
我已經專登避免一篇文寫幾件事咁，
但往往一件事同時涉及多過一個類別，
例如：講響公司食到會玩抽獎，
咁歸類勞工處、娛濃處呢定食環處？
又好似尋日篇blog忍痛戒蝦咁，
雖然我定為食環處(因為食物詞語較多)
但關符身體健康應該放康文處較恰當。
呢D例子不勝枚舉，都叫人懊惱 ~"~

因為長期有濕疹纏身，所以下定決心戒蝦，
睇下會唔會有好轉，一直以黎唔算餐餐食蝦，
但食o既野間中少不免有幾隻蝦，例如：
楊洲炒飯、星洲炒米、炒麵、天婦羅蝦等...
其實以上菜式響我心目中蝦先係主角！
由上年大約聖誕期間開始到今日都禁食蝦，
(春茗被迫破戒因為無其他野擺得入口咁濟)
咁我早午晚餐可以食o既總類又大打折扣，
響大快活叫個蝦仁炒蛋，都只係用蛋送飯，
食剩D蝦響個碗，其實我又何嘗唔痛苦呢？
睇住咁好食o既蝦響眼前但克制自己唔食得。
目前身上o既濕疹的確有顯著o既壓抑，
雖然仲有痕癢但未至於之前會痕到R損咁煩。
今日響日星飯堂叫個好耐都未食過o既星米，
心諗都係食剩D蝦，哈，點知佢個星米無蝦！
以前o既我一定會話搵笨、偷工減料(28蚊)
衣家就正合我意可以一滴不留咁食剩隻碟，
唔洗暴殄天物浪費食物丫嘛。