發生左單港女去台灣租屋事件，租完屋唔比錢不突止，
搞到人地間屋污煙障氣，M巾堆積如山，飯煲種細菌，
牆寫粗口，疏化界爛，連電視都偷埋，簡直喪心病狂，
心諗除非屋主係殺父仇人，唔係o既話條港女肯定痴線！
香港人經常話大6人白木，呢單野真係丟盡香港人假，
網上見台灣人留言大鬧港人，亦有唔少港人留言辯白，
後來有報導指該港女持偽造身份證先令港人鬆番口氣，
其實係唔係港人又點？任何國家都有匪徒，都有白木，
講句公道話，日本一樣有痴漢，美國一樣有連環殺手，
唔可以一竹桿打一船人，都要睇埋佔o既比例姐。

唔講唔知市面上買到o既外置HD預設行NTSC，
一買番黎用mac機係抄唔到野上去，只係讀到，
要先做個步驟，一係就將佢format做FAT格式，
去磁碟工具程式揀清除然後揀FAT格式，
雖然PC同mac都用到但單一檔案唔可以過4.7Gb，
一係將佢format做mac機制式(只有mac機先讀到)
再唔係就將佢format做exFAT，兩邊都用得，
而且無4.7Gb限制，仲有個方法就係裝Tuxera，
咁就唔洗format即刻抄野落個NTSC HD度。
暫時試過響macbook抄8Gb野落去唔洗3分鐘，
呢個速度幾滿意，幣在backup公司server d file，
個server頻寬慢，8Gb野要over 40分鐘呢...
就算將server d野抄左落部機之後再抄落HD，
抄落機都係要40分鐘，無慳到時間。

 

近期一套來自星星hit爆中港台，加上我係做韓流雜誌設計，
今日又講下韓劇，呢套秘密花園係TVB逢星期六播o既，
一開始睇落都好正路，平傭女遇上高富帥，做鬥氣冤家，
其實就咁發展落去咪好囉，突然變左科幻片黎招交換身體，
想點呀？接受唔到囉！男變女女變男仲恐怖過人妖好嘔心！
亦令人聯想到鬼上身，之前新恆結衣套父女7日變都玩呢D，
最憎呢D梗，諗起都不安！你諗下個靚女突然多左碌野，
個男人變左女人除晒衫照鏡...

聽過有集大家真風騷講過，樣靚o既人難記樣，
梁思浩即刻舉左個例子問女主持上年港男選舉，
你記得邊個？廿幾三廿個人無乜邊個up得出黎，
反而d樣衰o既人就只係見過一次都過目不忘，
因為樣衰有特徵，響普世o既價值觀黎講，
靚o既人都係標準樣，眼標準、鼻標準、咀標準，
果d少女時代呀、AKB48呀，真係一個都記唔到，
上期整雜誌見尊尼事務所隊咩野sexy zone，
我問個編輯喂有兩個真係拍埋一齊都分唔出喎，
痴線，面形、眼形、咀形、鼻形全部倒模咁，
我問係咪同一個人只係角度唔同？定孖生兄弟？
點分呀？我平時都有研究下相學(只係皮毛)
例如d人下唇厚慾望強，鼻大就有錢等等，
但對住呢d明星標準樣，真係一句都評唔到，
因為佢地口唇唔厚又唔薄，個鼻唔大又唔細，
全部好工整，點睇？不過呢d所謂靚女響我眼中，
係就係好睇，但完全無feel，好似d復製人咁，
所以都係有特徵而又順眼o既女仔最好feel。

作家，比人一種感性、藝術同詩意o既感覺，
之前負責砌小說亦拜讀過某女作家o既作品，
響呢度唔開名啦，講堅覺得佢寫得幾好，
一向無乜讀小說興趣o既我，一路砌一路讀，
睇左一句就想睇埋下一句，睇完呢頁想睇埋下頁，
唔覺唔覺就讀晒全個故事，係引人入聖o既，
幾欣賞佢，覺得佢幾浪漫，應該幾溫文爾雅，
but一次o既飯局令我對佢o既印象完全破滅，
講野大聲，雖然無講粗口但都令人覺得粗魯，
而且佢係用好壓倒性o既氣勢去支配人同疾人，
當時女上司同檯，做細o既我亦唔方便還拖，
即時對佢tag左八婆、港女等標籤，無晒feel，
相比之下女上司顯得斯文好多，似番個女仔，
就算女上司鬧人都斯文過呢個女作家普通傾計，
加上呢個女作家偏大份o既身形，零分！收工。