由農曆新年到衣家都keep住零晨三點左右訓教，
間中仲有零晨一兩點訓，訓唔著都繼續訓，
希望可吸番d咩野黑色素同改善新陳代謝之類啦。
由於工作有機會通頂關係，都唔會比自己早訓，
驚要通頂果d日子會頂唔順，所以拎個中間位，
平時一向都四五點訓，有時六點半添，
趁住農曆新年假期間要比自己早訓番。
 

呢種topic我都唔係第一次開，今次就講下實例，
(以前用MSN更新開過題，不過家下MSN都收左皮)
呢d都係個人經常用開o既軟件：

--RC語音--
每次開都會煩你更唔更新，好地地更新乜姐？
不過另一部腦未裝RC所以響官網下載黎裝，
頂佢，個介面d位置又變晒，難適應都未算，
入群聊時管理員設定個公告位都強制彈廣告，
未摸熟介面都幾難搵到個公告，煩過煩膠。

--PPS--
又係每次開都會問更唔更新，我絕對唔會更新，
有次無端端更新左，唔知係我o禁錯乜定點？
懷疑開軟件前系統問容唔容許軟件更改設定，
手快快o禁左允許？更新左介面唔同左，又係睇片前，
有四十幾秒o禁唔走o既廣告，不過對上個ver都係咁，
所以問題唔算大，以前d版本無四十幾秒咁過份架！

--iphone高登apps--
有一排load極都load唔到題load到o禁入去又null，
心諗係個server神神地定點咁就試下更新ver啦，
即刻正常番，超賤呀！專登整壞個apps迫人更新！
新ver開apps前都強制彈個fullscreen廣告，
要響右上角交叉，又係超煩，用用下又null番，
點呀？又有新ver要迫人更新呀？！

--iphone商台apps--
手法同上，又係播唔到節目迫更新ver，
更新完又係入之前fullscreen廣告要右上角交叉，
lock左screen入番又再彈過，痴線！

真係煩到有諗過係咪要剷左個軟件，
搵番較舊ver o既安裝檔裝番舊ver，
所以平時裝完個軟件唔好咁快掉左個安裝檔。
不過iphone果d無得自行揀安裝檔就無辦法啦~

新耳機Jabra Revo入手，暫時就幾方面報告比大家參詳下~

--音質方面--
個人認為中規中舉，整體比monster beat solo有過之而無不及，
bass比ultrasone hfi-780更突出，但其他表現略嫌不及hfi-780，
都係果句，聽mp3姐，我個人對音質高要求唔係太高。
響imac用藍芽播放時唔知點解音質較含糊。

--電量方面--
一直以為藍芽耳機無顯示剩番幾多格，預唔到幾時無電，
又或者諗住叉電但唔清楚入面d電滿唔滿，驚叉爆，
呢層真係少擔心，原來一連上iphone就有show幾多格電，
唔洗額外裝apps添，個耳機聲稱可以待機10日，
我叉滿電長期連住藍芽唔熄掣兩日左右就得番3份1格電，
唔知佢個待機10日係咪指熄左10日之後開番仲有電呢？
叉滿待到兩三日我覺得合格，正常唔用果陣熄左佢架嘛。

--外觀方面--
造工紥實，左右兩邊個伸縮位用上金屬物料摸落去有冰冷感，
關節位亦工整，渣上手無monster beat solo果種玩具感。
如果佢兩個裝飾圈位會發光夜晚帶出街就型到無得頂！
要彈o既係cup耳仔個外殼用左類似橡膠質地，雖無損高貴，
怕日久會受熱溶到變黏性或龜裂(唔敢肯定會唔會咁)

--操作方面--
佢用輕觸式調較大細聲，個idea係就係幾cyber，
但用起上黎唔多方便同埋唔知扭到咩位囉，
所以都係響電話度較大細聲。

--連線方面--
初試iphone袋褲袋播住歌會間唔中窒，以為距離遠唔夠力，
但響廳播緊出奇地居然行到入廁所都仲收到，不過都斷斷地。
可能係行走果陣響褲袋搖晃影有干擾，渣上手比較安定，
做實驗試下imac、macbook、iphone同時開藍芽連落耳機，
係唔能夠同時播幾首歌 XD

佢仲有個專用apps可優化音質，可惜要iOS6.X以上先用到，
我部iphone4唔敢升iOS驚拖慢部機，無機會試真d... :(

好耐無帶隱形眼鏡，衣家要買con都唔易，
上次去DSC直銷中心買個店員問有無帶開，
我老實答以前帶過都唔肯賣比我，今次醒左，
去另一間分店買果陣答帶開，仲做小小功課，
一黎就話要乜野度數，唔怕比人問到口啞。
(小心1day acuvue仲有唔同孤度都係會口啞)
博士輪o既即棄con係最平$140一盒有30片，
可惜無我想要o既度數，再去眼鏡88買，
點知店員話買之前要驗，我話要指定度數喎，
喂我比得錢買你地理得我有無帶開用咩度數？
我幫屋企人買唔得架？我買黎整藝術品唔得？
之後響愛視美成交，要價210足足貴左3份1，
不過算啦，廢事煩，又呢樣又果樣。
今日試帶試左4片都失敗，唔試住第日再試，
通常都係衰壓到埋眼球鏡片反左食唔到入去，
跌左落地就唔要，真係唔明以前我點帶到，
以前帶果對仲要唔係即棄，真係衰左就無，
好在仲有廿幾片比我慢慢試(當交學費？)

尋晚比完家用，今日𢭃利是，感覺唔多良好，
有種好似響賭場呢頭贏完錢果頭輸番錢o既fu，
皆因今年農曆新年係正月尾撞正o岩o岩出糧。
新年就響屋企打邊爐應應節(一年都唔打一次)
阿媽又打長途電話同響印尼d親戚拜年。