都話打機對我黎講係情義結，PS4行貨首賣點可以唔講，
不過今次我唔睇好呢次o既次世代機(包括XBOX ONE)，
睇番D game，出落PS4 o既好多都有埋PS3版，
咁洗乜買PS4版？D畫面真係靚好多？應該無乜分別，
據我所知當今遊戲畫面去到PS3已經上到瓶頸位，
睇番PS4 D畫面，真係無果種PS去PS2 o既突破，
質素差唔多，指住PS4畫面同人講係PS3都無人懷疑，
咁分別係乜呢？聽講frame數高左，以前1秒30格，
衣家升到1秒60格，30格同60格肉眼睇得出有分別咩？
而歐美果邊買左PS4 o既人更傳出呢批機造工差劣，
又話少左D螺絲、螺絲鬆脫、甚至少左個hard disk，
負責生產PS4 o既就係大名鼎鼎o既富士康，
應該人工極低又趕工，D工人將怨氣發洩響部機度，
求其砌、大力掟部機，總之買到番去開到機算你好彩。
雖然係咁，但今日首賣(其實無刻意留意)買氣都唔弱，
路過觀廣間藍店，見到排隊到格離馬會後面個廁所，
再裝入店內，見到好多藍色盒堆到一座座山咁，
睇黎都幾多人訂機喎，咁o岩今日落銅鑼灣買聖誕卡，
都見到SONY pro shop樓下有人排隊雖然條龍唔算長，
都叫做有人排丫，再落埋灣仔188(可惜去到都收晒工)
都見人拎住袋PS4落樓梯，似乎都唔少人第一日買喎。
 

同事最近鑽研MMA，講開鍛鍊o既方法，
好多地獄式特訓例如用腳做掌上壓等，
當中有個訓練平衡力o既就係合埋眼單腳企，
聽落係咪好易呢？試下就知唔好話企1分鐘，
企到10秒都要話你好野！真係莫名其妙，
打開眼單腳企半粒鐘都得點解合埋眼爭咁遠？
唔通視覺都係身體控制平衡o既一部份？

記得幾年前響2000fun發過一輯FEZ同人漫，
旋即成為人氣帖，有幾十頁回應，點擊率達5萬，
之後好耐都無乜再上位，呢個機會又再黎啦！
最近RO主教整左無詠裝，發現左個有趣o既特點，
原來可以神不知鬼不覺咁放霸邪響人地身上，
中霸邪者有如中邪咁不斷做動作，好好玩 XD
又得知mac OS X內建o既QuickTime可以拍片，
即刻拍段玩野片放上巴哈啦！都驚比人BP架，
估唔到贏得過百GP，最精彩係比我玩o既當時人，
居然出黎回應吐苦水，佢o既GP比我仲多 XD
而段片目前瀏覽次數已破3千，雖然唔算多，
不過我個主教行街都比人認出，仲密我問心得，
睇黎做左紅人以後要玩野都唔易啦~ XD

話說樓上要租比人，個租客嫌電壓唔夠，
要換過晒D粗電線(我地都未換佢換...)
而裝修佬要落黎我地個單位駁電線，
仲話要cut成個鐘水整水喉之類，
點解禮拜一至五我番工D時間唔整，
硬係要揀禮拜六整呢？阻我私人時間...
好啦我出街迴避下，點知媽打打電話黎，
話裝修佬個電鑽壞左，工程無法進行，
要改聽日先黎做喎，頂仲要拖多日？
不過我仲有大把野要做，答車答到半路，
都落車折返番屋企。

食一次會有一張貼紙，12月31前集齊5個貼紙，
可以換到V.I.P card，不過今日我都已經集齊左5個，
可想而知我都食得幾頻(雖然有一個貼紙係樂樂o既)
拎去換佢地居然話未有得換，要下個禮拜四先有，
我諗個老細都無諗過咁短時間內就有人食夠5餐掛？
之所以食MOS BUGER貪佢份量小，唔易肥 XD
(尤其是下午茶去食更加唔想食太多影響正餐食慾)
係，平時第二D都可以食剩，但覺得浪費通常都食晒，
份量小對某D唔想食得多o既人黎講都係個優點，
第二個原因係貪佢貴，無咁多人幫襯多D位 XD
以上兩個原因對一般食客而這相信都係缺點。
唔好以為開左間MOS對吉野家生意有嚴重打擊，
食飯時間落到東廣場依然見兩間野都座無虛席，
(我呢幾餐都係非正餐時段先落去食)
都話左觀塘區做飲食業一定賺硬無蝕架啦！
就算開多十間食市都唔夠應付lunch時段海量o既食客。
番正題，食左咁多餐佢地整食物速度方面依然係龜速，
可能係即叫即煮唔似麥記果D一早炸好晒放置play。
目前比較buy o既配答係魚柳包+摩斯雞塊+粟米湯，
佢D魚柳包有清脆o既洋蔥粒咬落拾拾聲好爽口，
薯條係厚切，好諀唔好聽自己買舊薯仔切黎煮差唔多，
去得呢D餐廳緊係要食D自己無能力煮到o既野食啦，
所以唔見議食，薯條黎講都係麥記最好食(淨係薯條)
牆邊位仲設有太乙網絡插頭同插穌，想當cafe咁做？