D人一直話IE慢，網上亦整左唔少圖嘲諷，
例如有幅漫畫IE、firefox、chrome幾個一齊，
一個問問題，firefox、chrome答IE發呆，
下一格IE先答番上一格o既問題，
又有幅圖IE叫大家將佢設定為預設瀏覽器，
然後一句連IE都講得出呢句你仲唔敢去表白？
可見坊間對IE o既評價。
但我打從第一部電腦至今都係以IE為主，
又唔覺得IE有乜問題，慢唔慢係睇個網速姐，
再講我又唔覺用其他瀏覽器真係有快到，
舊電腦用chrome開臉書一樣疾到hang咁濟。
不過最近IE真係頻頻出問題，
響qooza打網誌會唔見左條直線，
搞到番轉頭改錯字經常唔知去左邊個字，
呢個問題好耐之前都有(所以轉用firefox打網誌)
而我save網頁o既圖，習慣將圖拖拉至資料夾，
如果多圖時，每個圖right click另存，
然後要揀位置然後又要o禁確定好晒時間，
最近拉唔到圖，起初以為係個網站做左d手腳，
點知用firefox開番同一網站又拉到圖，
用IE再去第個網站都係拉唔到圖，即係IE有問題，
做乜呢個咁方便o既功能突然廢左武功？！
OK忍你，響plurk click入D圖之後又無反應，
迫住我每次睇完圖都要重開過IE，
仲有連youtube都hang埋，大佬想點呀？
我常去o既網站大部份都出事，即係叫我轉會姐？
不過有樣功能都係IE抵讚o既就係，
指埋去D連結或圖片度下面會show網址，
減低click入D不明來歷o既網站o既風險。

樓上單位要出租，擺放響樓上o既野短期內要清空，
今日放工番到屋企一袋二袋仲有行李箱擺滿個廳，
舉步為艱，本來已經唔大o既單位衣家更加惡劣，
個洗衣機拎埋落黎，我D鞋都要擺埋入房，
睇黎今年要同呢D雜物渡過一個好擠迫o既聖誕啦...
 

樓上單位要出租，擺放響樓上o既野短期內要清空，
呢兩日一次過掉左應該係十年黎未試過掉咁多o既份量。
當中包括：
WiiU盒(部機都放左響朋友度，無乜打算拎番)、
MH3G PSP限定機盒(部機都比左人，同上)、
PSP機盒、SONY ERICSSON T63盒、
灰色無線電話(應該仲用得但放置play左好多年)、
ACL電話火牛(都唔知邊部)、lan線(疑似壞左)、
乙太網絡卡連盒x2、wifi router盒(淨抽起說明書)、
亙動抽獎抽中o既老鼠杯墊(老闆娘買o既)、
正形2000年座檯月歷、銀魂單行本1~9期、
Monster beat solo盒、Genius mouse盒等等...

雖然好不容易騰出左些微空間，
不過轉頭又塞番更多樓上D雜物...

睇地鐵D宣傳片講智能車飛好一段日子，
智能車飛用法係好似八達通咁嘟入閘，
然後出閘都係要比部機吸番張卡，
妖！咪又係要收番！搞咁多野真係多餘！
不如用番傳統果D車飛，有乜分別姐？
對乘客黎講有無方便左？絕對係無！
平時買左舊車飛都係渣係手入閘，
出閘果陣先要響銀包定手袋搵番張飛出黎，
你話出閘果陣可以嘟出去就話姐，
用左智能車飛出閘都一樣要搵番張飛出黎。
浪費金錢為一堆閘機加工去配合新系統，
仲要增加車飛o既生產成本，
棄用大量舊有車飛亦相當唔環保，
以其有錢整埋D整唔整都無乜所謂o既系統，
不如金鐘站擴建多個月台疏導人流好過啦！
側魚通起多個月台唔洗經油塘直接去藍田啦！
港島o既居民去觀塘硬食多個站又係多餘！
或者換晒D靜Do既地鐵答緊車可以傾下電話。

後悔當初部macbook pro就咁用bootcamp裝windows，
256Gb HD其實唔係好夠用，仲分partition位置更唔見洗，
Parallel Desktop係用OSX黎行windows，
變相即係用OSX開到windows軟件同windows檔案。
之前擔心同時run兩個OS部機會唔會不勝負荷，
有I.T朋友話過OSX設計得太完善完全唔耗系統資源，
係windows大食姐，響OSX行windows同就咁開無分別，
亦階因OSX針對mac硬件開發先可以發揮得咁淋漓盡致，
呢方面windows要響唔同平台運作無辦法比美。
經實測後，的確係響OSX上行windows同就咁開無分別，
所以買得windows就唔爭在比多6舊水買埋個Parallel。
響Parallel上個windows媒體櫃對應晒OSX個D資料夾，
文件、音樂、圖片、視訊相同分類，唔會東一忽西一忽，
之前用bootcamp裝變左圖片都分兩邊，呢邊係mac圖片，
果邊係windows圖片，諗起都煩。連線上網都係共用，
最勁係用windows都可以食埋mac機勁好用o既擷圖系統，
comand+shift+3就自動產生一個screenshot響桌面，
唔洗下下入小畫家paste要連續cap相都方便好多，
同時彌補mac keyboard天生無printscreen掣o既問題。
亦可以響windows上用到mac o既hotkey，
例如comand+q退出程式、comand+v貼上，
統一操作OSX、windows兩邊走都唔怕手忙腳亂。
另外之前bootcamp裝o既RO唔知點解double click唔到，
而用Parallel裝o既RO完全無呢個問題，好玩好多。
但佢設定alt+1係變開始掣，搞到玩RO小左一個表情，
另外mac d應用程式捷徑放桌面o既話，
入到windows會變左桌面多左個開唔到o既資料夾捷徑，
有失美觀，想兩邊個桌面都靚靚仔仔就唔好放程式捷徑啦。