「背多分」原本只係偉大o既音樂家，
d人取其諧音變做「背脊」好多「分」，
泛指見到女性背面幾好睇但未知正面，
但行街留意左好多女仔，通常背多分，
前面唔會低分得去邊，就算唔係勁靚，
都一定係正常、順眼，好難搵個背多分，
前面係極嘔心o既例子，又咁講啦，
d個樣極難頂o既女，背影都係難頂。
背面好睇一定唔會肥，唔肥o既後生女，
樣衰極都有限啦，大家行街不妨又留意下，
有無可能搵到背多分前面好低分o既人？

到今日都仲係著長袖衫訓教衾綿被，
今年冬天認真長，都4月9啦，
係兩個禮拜前拎風扇出黎用左幾日，
衣個星期又凍番，不過呢種天氣舒服o既，
又唔太凍又唔洗出汗o岩o岩好(姆指

唔諗新題啦，用番上次果個啦 XD
呢排一路行街一路望人一路默念，
「呢個係思想型、呢個係享受型...」
並將學到o既理論去求證一下，
例如留意d乞衣係咪附合晚年潦倒o既相，
點知個乞衣婆婆有耳珠、下爬兜等福相...
如果相學講o既係正確可能呢d係假乞衣啦，
都聽過有d乞完答的士走，仲有錢過你呀。
相學又講過眼睫毛向下o既人都無秩序，
所以就周街睇下有乜人睫毛唔係向下，
女性唔睇啦，佢地特登用睫毛液將毛捲上，
唔係天生不能作準，但目前睇過咁多人，
真係好似未見過睫毛唔係向下生架喎...
當然，唔可以只參考一個學說，
所以我都睇埋其他面相學o既野核對下，
發現好多都同我學到o既理論無關係，
即係果個特徵像相應有o既性格無題及，
但就多左一堆九唔答八o既理論，
例如美人啄黎講，應該係與父無緣，
16歲前後學業受障礙、較早出黎做野，
仲有年少賺到o既30歲後都要從頭黎過，
但睇另一個相學網講番同一種美人啄，
變左咩野感情豐富、好奇敏銳有才華，
點呀？同我知o既理論咁大出入？
咁我應該信邊個好呀？！
 

繼之前上緊網斷線、唔斷線但無數據後，
今次又有新花臣，介乎上面兩者之間，
就係上到網但部份網頁load唔到，
load得入果d網圖片又全部交叉晒，
斷線再上過都係咁，好在夜晚正常番，
唔想又係換完modem後唔夠半個月又換，
特此記低，希望呢種情況唔好再出現啦。

埃pan椅本來側邊有膠手柄可以托下手係舒服D同靚仔D，
不過要坐響呢張凳度彈結他就會比個手柄位頂住，
一係要坐前D黎彈但姿勢唔正確亦唔好睇，此風不可長，
所以決定拆左兩個柄，拆左一邊都仲OK無問題，
當拆到第二邊其中有粒螺絲就用盡九牛二虎之力都扭唔開，
最幣係口螺絲好似削左D位，再用死力削落去驚會滑雅，
到時就算搵到個大力士黎幫手扭都無得再扭番出黎啦！
咁衣家點呢？由得個手柄條條fing囉！唔係仲可以點？