新居點都要擺番部desktop座陣，
今日就買左部hp i5 $5528，
話時話乜衣家d cpu無進步過咩？
兩年前我買果部都係hp i5，
衣家又係i5，i7都係貴一個開，
理論上今時今日出到i十幾先係丫嘛。
呢期買廠機不論乜牌子都係被迫跟win8，
傳聞呢隻劣評如潮，無計啦就試下有幾劣，
頭兩三次開機仲慢過我舊果部，
好在之後快番但入到桌面仍然唔順，
例如開個資料夾要load一段時間，
新機都咁慢用耐左仲得了o既？
究竟呢個係win8系統慢定部機慢？
跟住介面緊係勁唔習慣啦，
連想換個輸入法都搵餐蒙，
玩捉衣因咩？一d都唔user friendly，
點解right click下面條bar唔比改輸入設定？
好啦改番個倉頡啦，但又無聯想字庫。
左下個開始掣變得九唔答八，
開一堆我唔等洗o既資訊，
仲要開每樣野都fullscreen，開咁大托咩？
(係咪因為咁搞慢個系統呢？)
應該仲有好多野要彈，試真D先，
下次開個topic一次過數，講番部電腦，
第一次駁HDMI落個mon度有聲，
但之後開機又離奇無聲喎，
係display card short左定個mon short左？
搞到又額外駁喇叭，條喇叭線又唔夠長。
跟機送個mouse又幾潮用磁石貼住電心蓋，
但d mouse通常唔come用希望呢隻come啦。
講住咁多先，呢一劇係用新電腦打呢篇文~

「沒有最壞，只有更壞」呢句野完全道出我心聲，
連續叫人上門整左三次，兩次網絡技工一次電話技工，
換過外面機房D線，再將入屋線D接駁位從新接過，
正常咁上左半日網又再斷線，想點呀大佬？
係咪要我換過全屋D電話線？不過D線都幾十年歷史，
受潮、比D蛇蟲鼠蟻咬過唔奇，最怕換完都解決唔到。
要考慮轉台，第2間公司唔好又再用番果條電話線呀！
壞就壞得雲巡D啦，最最最克人憎就係時得時唔得，
D技術人員上到黎試到無問題就拍拍屁股走人，
點知長時間用落去又再出事，真係人都癲！

本來呢，提醒你備份電話資籵係好事，
但係每次都話你唔夠位，想點呀？
又要人買你個雲端儲存空間呀？
係就米鬼懶好心啦！做得好樣衰，
感覺好似中左圈套咁，令人氣憤。
其實呢樣唔算激氣，最討厭係果個提示，
居然令到我解唔到鎖，o禁極都整唔走，
要迫我o禁實home掣+頂果粒掣reset。

2013年9月6日介紹過隻韓製辣芝士麵，
麵條好彈性，浸耐左唔變林，芝士味濃郁，
仲附餐肉碎粒同菜碎，絕不戲場，好好食。
但當時仲未嗡得出個牌子名(因為寫韓文)
查實呢隻麵都幾普及，百佳惠康唔難見到，
牌子叫不倒翁(都係睇價錢牌先知)亦唔貴。
呢隻抵食絕對推薦，同樣牌子仲有出碗麵，
又買碗試試，只係得湯同D麵？無啦？
咁dry o既？錄果D包裝麵都有肉粒啦，
碗麵竟然無？！係咪個配置應該要調轉？
定係比漏左呀？味道就同包裝果隻相近，
但無配料要扣分囉，又比個封面呃左。

呢個topic都唔知要重覆幾多次，可唔可以唔好咁頻密？
上個月就已經出事，只係旭下條電話插座又好番一排，
就用住先，點知尋日Line燈又斬過，咁唔係辦法，
我要o既係穩定o既上網質素，就算旭下條線得番，
又唔知佢幾時再斷過，都係打電話叫人上門整。
心諗都係個電話插穌個位接觸不良姐，換左佢就搞掂，
點知又換插頭又換modem都係唔work，唔係呀fa？
佢話係機房D線出事，但太夜佢換唔到要擇日再整...
上個月明明旭下條個插位之後一直都長上無斷過喎，
係到尋日先無端端又連接不良，點解今次整完，
變得更加嚴重架？一連上網即斷果隻喎？！