想當年，響網絡繪圖平台留下唔少足跡，
不過呢D平台都隨住時代o既巨輪下消聲匿跡，
衣家又探討下我曾經響呢D平台o既津津樂道：
oeakakies繪圖留言版
呢個係來自日本o既繪圖留言版，完善o既繪圖系統，
筆觸、顏色、Layer都可比美唔少繪圖軟件，
只要技術高超可以畫到接近相片級數o既寫實畫像，
仲有記錄過程，可以睇番神作係點畫出黎，
完全感受到作者o既功力，今時今日只留行圖片上傳，
其實好多野可以出術甚至只係將真相執少少，
或者張圖根本唔係佢畫。
當年我經常到唔少繪畫愛好者o既留言版踩場切磋技術，
尤其是同人界o既朋友，我甚至一反傳統，
響呢D水彩、噴槍平台玩pixel art效果非常搶眼。
我用心畫過唔少作品，可惜好多都無save低，
至今只係剩番好少留低。
記得有次畫畫下突然hang機幾個鐘o既心血就咁白費。
Flash繪圖留言版
呢個好似係來自香港o既繪圖留言版(唔係香港就台灣啦)
相比起oeakakies下呢個繪圖系統簡陋好多，
只靠拉點、線、面同唔係太流暢o既筆觸去畫畫，
顏色方面亦好局限，呢度o既作品普遍都不堪入目，
不過操作簡單亦吸引唔少港女畫D好似做勞作o既作品，
即係整D星星呀心心呀花花呀然後加句懶有詩意o既情話。
我響呢D畫版亦有展示過我與別不同o既作畫功力，
例如畫到好似漫畫o既風格，當然咁o既系統下唔會太精美。
任何平台都有高手，有神人可以用呢個畫版畫出人像素描，
用好多個半透明面堆疊出豐富o既深淺漸變效果，
我睇番個作畫過程，幾乎理解唔到個原理，
即係平時畫畫係先起草稿畫左輪廓再慢慢執detail，
佢係一早就先讀呢個位落幾多層layer先出到呢個顏色，
巧妙得令人難以置信。
|
