RO妖術d精靈都無顯示幾時完，
打打下失驚無神走左好討厭。
所以自己用Flash整左個計時器，
其實好簡單，set個15分鐘倒數，
召精靈Lv2出黎同時開個倒數，
數到剩番1分鐘會響一聲，
數到剩番10秒又再響多次，
咁隻野幾時撇都有定心理準備，
明知隻野走就唔會拖大堆怪。
呵呵，我真係天才！ XDDD

新居個廁所無浴簾，上兩個禮拜買床單果陣順便買埋，
我一向簡潔主意，唔鐘意多花紋o既設計，
最好純色無圖案添，就求其買左隻白色數字pattern，
都唔算太花，其實都無用心簡純粹點指兵兵咁買，
係咁咦問過1.8米，亦唔知應該買乜size，幾廿蚊姐，
唔o岩size咪剪剪佢囉，今日安裝上去，哇！fit晒！
簡直就好似度身訂造咁！高度長度都o岩o岩好！
浴簾頂部o既扣口位居然同我廁所o既扣數目一致！
之前仲諗住多左扣由佢，衣家12個扣扣住12個扣口，
無多到亦無少到，very good！無諗過一買就咁fit。
諗諗下其實呢個係咪標準規格黎架？ =_="
 

夢見親人(唔講邊個啦)話只剩番一個月命，
響夢中我係完全無質疑覺得係事實...
醒左，好在，發夢姐...
以前都有夢過親人離世，出席佢o既喪禮，
我喊得好大聲，呢個夢都好多年前啦，
記到今時今日，好在呢位親人至今仍健在。
呢d唔吉利o既野本來都唔想寫，
但求寫左出黎破左佢！
發個咁o既夢真係會令心情變幾差。

比起上次今次無咁多人，再開搵埋個露天池點行，
露天池有3個，最深果個1.4米，其他0.7米浸到肚，
多小朋友，池水比室內池暖(唔知專登整定太陽曬？)
今日游到10點，睇住救生員喝D泳客上水 XD
話說下晝果陣落大雨，好在放工後無落雨，
聽同事講落雨時露天池係唔比人游(驚比雷劈？)
係o既話即係全部人質晒入室內池？咁咪迫爆？

夢見用用下電腦突然cusor唔受控，
自己亂移動，似比人遠端操控緊，
疑比木馬入侵，當徬徨無助之祭，
醒左，好在，發夢姐...
唔知係咪近期上網運差先發呢d夢？
呢排總有d時段上網極慢，
不論新居、舊居、公司都係咁，
有無咁衰呀？1度慢就算啦度度都慢。