聽大家真風騷講最近國內新興呢種電話騙案，一打黎就話：
「亞邊個(你個名)下話？聽朝早D番公司入我房，有野要同你傾」
扮到好似你老細咁，機警小小o既話會問佢係邊個，
佢會大你「有無搞錯呀？我你都唔識？你係咪唔想做？」
由於驚真係老細黎，所以好多人都唔敢質疑，臨收線之際佢會話：
「等等，聽朝番工前幫我入住5千蚊落我戶口，番到office比番你」
好多人就咁中伏，尤其是D OL，驚得罪老闆無運行。
以前就扮你親屬家人，你仲可以鬧到佢一面屁大快人心，
衣家扮你老細，想鬧果陣都有幾分淆底會唔會真係鬧錯老細，
仲要佢先黎比個下馬威食住你先。仲有佢最起碼有你個名同電話，
所以facebook米隨便玩果D砌字遊戲或心理測驗減少私隱外洩機會，
呢~果D整個表然後每個數目字代表唔同o既屬性或者抵死字眼，
例如：1代表光棍節，2代表我同女友，3代表去公園，4代表裸跑，
然後用你電話最尾果4個字去砌一句，如果你電話係1234，
就砌出「光棍節我同女友去公園裸跑」o既騎呢句子，好好笑呀可？
不法之徒就咁收集左你電話號碼，你會話最尾4個字姐唔驚啦，
查實同一間電訊商頭果4個字黎黎去去都係果D number，
有尾4個字好易撞到你全個號碼，再加上facebook有用真名o既話，
咁就輕易收集到你個名+電話號碼。

開心水族箱果間公司最近又整左隻新game，
叫開心消消樂(以下簡稱開消)o既消方塊Game，
其實係山寨版Candy Crush(以下簡稱Candy)，
本來game分類應該放「評機會」但今次要擺「怒正處」
呢隻係會玩到發火o既game，發火o既原因如下：
1.D過關條件一關比一關苛刻
2.好多時都只係爭一粒或爭小小過關偏偏唔夠步數
3.引誘你用D課金道具
4.過唔到關會有隻好樣衰o既野響度喊
5.懶係好心提示你
(以上原因Candy或開消通用)
尤其第4點，可唔可以整隻得意小小o既野呀？
隻野樣衰到想鬧「喊乜鬼呀喊？」再煎佢兩巴。
Candy果隻貪食糖o既醜樣妹已經夠面目猙獰啦，
開消果隻仲要有個向下斜o既黑眼圈，
咁多動物唔用點解係要用隻最無神o既做吉祥物？
如果佢用鬆弛熊或者LINE果隻兔美都順眼10倍啦。
開消剩番5步又有果隻克人憎伸隻手出黎指指，
指咩呀指？好似Candy咁閃一閃唔得o既？
點解佢計得咁準？好多時就係計到你爭一格過唔到關，
系統上同Candy有乜分別？比小小創意好無？
版圖仲要hea過Candy，剩係得棵樹D果實粒粒一樣，
Candy版圖話晒都有山有水有怪物有火車丫。

聽收音機講有六種食物唔可以擺入雪櫃，
擺太耐會變質滋生細菌甚至釋出有害物質變毒藥，
而呢六種食物分別係：
1.青瓜，變壞呈透明狀
2.中藥，變壞
3.魚，釋放魚體酸敗(有害物質)
4.麵包，變硬同變質(有毒)
5.月餅，變質
6.朱古力，生白霜(其實果d係細菌)
咦喂？！除左中藥之外，
其他全部都經常放雪櫃喎！ (。口。|||)

其實D響競技場上風風光光o既運動員，
退役之後o既辛酸史又有無人知？
好多選手除左比賽之外乜都唔識，
佢地自細只係接受該項目o既地獄式訓練，
響佢地完任後除非一次賺夠佢一世o既錢，
唔係o既話好多只係輪搬石油汽、洗廁所，
又有幾多個可以做品牌代言人或者開公司？
聽收音機講有個俄羅斯女子體操金牌，
退役之後同家人講過第二D國家做教練，
實則離鄉別井做雞，認真折墮...米住，
點同一般雞相題並論？話晒體操冠軍喎，
有肌肉架喎，仲要做到高難度動作，
叫價當然高，佢做1日搵得多過我做1個月！
撇除呢個例子，點解國家唔善待下D選手？
佢地為國捐軀喎，得獎果D都仲好小小，
好多席席無名o既選手咁就一世，
仲有D都未參賽前就已經練到殘廢，
打完齋唔要和尚？

近日連觀唐廣場樓下都開多間爭鮮壽司，
睇黎呢位台灣老細好績極想開發香港市場。
講開屋企附近間，隔離間惠康亦有賣壽司，
唔計邊個好食D，以爭鮮呢種開洋式格局，
家陣天時暑熱，就咁擺D壽司響度臭晒啦~
再加上D人徒手咁摸D壽司(雖然有包玻璃紙)
晒到身水身汗o既體溫捏黎捏去... XP
壽司果D生肉要保持響雪櫃溫度先衛生嘛，
可能台灣個氣侯夏天無咁酷熱啦，
不過開響香港唔該入鄉除俗加塊度玻璃門，
唔好以為台灣o既格局OK黎到香港都OK，
而惠康D壽司係擺店入面溫度控制方面贏晒，
可惜最近惠康D壽司款式無乜好選擇，
想要果隻款又要夾雜D唔想要o既款放埋一盒，
以前十二三蚊果D三文魚卷同玉子卷無晒，
果D先come食夾抵食呀，居然抽起晒，
爭鮮就每舊3蚊自由組合，又贏番一球，
所以結論係：1比1，打和。