雖然仲未到四月，不過四捨五入，爭一日就四月，
入埋4月數啦(咁都得？)頭先一開facebook，
見D朋友話落雹，果刻其實都唔係好信，
愚人節仲有一日丫，之後越來越多人講，
仲有好多相片，先唔到我唔信，真係好震驚，
早兩個月仲話姐，咁熱o既天氣居然會落雹？
d圖越來越跨張，有人影到隨地o既冰粒，
有人手渣住好似舊磚咁大o既冰塊，痴線！
咁大舊野從三萬尺高空跌落黎米話唔驚！
(但點解跌落地可以唔碎？呢樣仲驚！)
又一城商場個屋頂比冰雹打穿變室內瀑布，
有唔少片睇，有段片係天花冧落黎d人起哄，
有張圖係一家人坐響「瀑布」隔離淡定咁食飯，
真係「如何響瀑布下用餐而又不失霸氣」 XD
跟住好多改圖出動，例如陳奕迅話想睇水舞間，
佢會揀又一城，既免費又環保之類...
仲有d地鐵站變激流添，有張相係架lift變水廉洞，
仲有人入去答，關禮傑都要問番句「咩叫膽色？」
唔怕電死？個顯示屏仲寫住大堂，往天堂掛？
有段片係地鐵車廂個頂都比冰雹打穿漏晒水，
哇，鐵都打得穿？估唔到連答地鐵都唔安全！
有張相係慈雲山馬路變左運河，唔洗去威尼斯啦，
仲有段片係條街上d雪糕桶moonwalk咁走佬，
走左十幾舊都米話唔壯觀，又有片係坑渠蓋震緊，
d人話有忍者龜響下面定亦或貞子爬唔到上黎，
笑完一餐，諗深層其實都幾驚，好在呢晚響屋企，
如果響公司咁o既環境都唔知走唔走好走唔走到。

巡例啦，開一篇記一下，
隔四個月先黎剪，差唔多啦，
今次都係跟番上次咁剪，
後面剷青，感覺良好 :)

我經常答最近屋企果部lift，今日出門番工如常企果度等lift，
聞到有一陣好壓o既尿味，心諗lift口斜對面果戶好似有養狗，
多數係D狗亂咁柯尿，尿都仲好，唔睇由自可一睇就嚇疾我！
原來D味係由放置響果度o既兩舊爛枕頭傳出黎，
無錯，係爛o既，表面亦佈滿霉菌，睇見都毛管棟！
頂佢個肺，等lift o既過程都唔知吸入左幾多有毒氣體，
超想拎以前C&C噴火兵果D火焰噴射器一把火燒晒佢！
呢個月一定唔可以再響果個lift口位等lift！
懷疑就係lift口果個單位擺出黎o既，唔係o既話實投訴啦！
一開門就對住D咁惡臭o既恐怖野！超嘔心！

個編輯聽朝10點班機要飛去韓國採訪，局住要提早搞掂晒D野，
佢話佢連續通幾晚趕起晒D稿，所以我可以早D砌好晒D稿，
埋牙果晚仲有10版叫art team同事支援，真係爭好遠。
睇佢個位都擺晒D護照證件，都係放工唔番屋企直接去機場，
呢份工作果然夠晒熱血(?)，仲用公司printer印張機票出黎，
乜衣家D機票就咁print都用得？佢話呢D係電子機票喎。
今個月尾總算逃過通宵一劫，趁呢次機會又要連續早訓番 :D

早幾日都仲係凍，今日終於要拎番個風扇出黎啦，
咁先係三月架嘛！不過仲未洗開冷氣o既。