禍不單行，早幾日舊居個keybraod shift同ctrl掣short左，
今次輪到新居keybroad無反應，開頭以為無電，
換左兩粒新電依然係咁，每次無反應要拆電再裝先得番，
但過1陣又無反應番，舊居個keybroad就用左差唔多3年，
新居個keybroad用左唔夠9個月炸。

兩個都係hp跟機送，又係連mouse，衣家咪又拆散黎用，
不過最舊o既hp機反而係壞mouse。

響觀廣買左個幾十蚊有線keybroad放新居用住先，
打字唔多慣(呢篇野就係用個新keybroad打)
舊居keybroad打算買無線，因為有兩部電腦要轉黎轉去，
無線keybroad要hea埋1邊比較方便。

唔知點解衰開就有條路，記得早排上網有問題，
舊居有問題，連公司都有問題，
去到邊都唔能夠正常上網。

單睇包裝賣相似係2線平價麵碗系列，
食落的確麵質同湯底只屬1般，
又係好似上次公仔5香肉丁碗麵咁，
雞肉味真係得個「味」囉，
1粒雞肉都無，不過附贈菜腩，
無諗過呢包先係主菜，咬落烚烚聲！
口感爽脆，即刻醒神晒！

「加D韭菜更好味，伴著大蒜香~」
呢首歌係黎自1個日本docomo CM，
1個家庭主婦之類主持烹飪節目，
「今日我地教煮餃子，材料有...」
旁邊個廚師突然拍掣，就播上面首歌，
機器將D料噴出去，D料1邊飛緊，
1邊組裝其他材料，再經過火焰燒過，
最後有個棒球手接住，唔洗3秒搞掂。

其實個廣告之前仲有3秒整炸蝦版本，
只係日本廣告突然出粵語歌感覺好爆，
仲懶係70年代成龍D電影主題曲咁 XD
諗起以前鼓機首香港超特急，
同埋金爆模仿成龍D功夫片劇終畫面，
日本對香港最深刻印象都係成龍 XD

諗深層按照物理(?)常識推算，
咁樣比火燒1燒根本無可能整熟食物。
米住，爆速餃子關docomo咩事？
想sell 4G極速掛？乜重要咩？ XD
 

因為前女友而落開水坑，分手後都依然keep住有玩，
整左隻金海馬餵50條魚，隻野隔1排就要課金續期，
其實又唔貴o既，不過撞正呢幾日到期，
新春期間宅響屋企無出門，無買到點數續唔到費，
咁就順便脫埋坑啦，收起晒D魚。
反正衣家都無乜魚友，以前都仲有幾個亙相扶持下，
無乜特別o既，只係話晒都持續玩左年幾o既game，
脫坑有感而發下姐。

另外開心消消樂上月尾簽到(有用補簽)拎左大獎後，
今個月頭都無乜再登入過，又脫埋坑，yeah~
呢隻山寨candy crush本來係為左開水條特別魚先玩，
比佢D每日簽到系統綁住搞到差唔多日日都登入，
其實都唔buy佢D公仔(亦都唔buy candy crush)

放低左兩隻無謂game，每日又多左小小空間，
希望新o既1年做多D有意義o既事。

MHFG巴哈版呢排最鬧得火熱o既話題就係穿龍棍，
有D就話穿龍棍屈機，有D就話穿龍棍不及其他武器，
引發罵戰連連，計我話，穿龍棍係就係又勁又靈活，
但呢把野唔係HR1就比用，要HR999同SR999，
再解歌姬任到第8章先用得，好比時下網遊o既3轉咁，
要歷盡千辛萬苦先能夠得到3轉o既威力，
如果3轉強度唔係比1轉2轉勁，仲有邊個會練到3轉？
穿龍棍又似係爆機(?)後2週目o既小獎勵，
亦係吸引玩家努力衝上G o既原動力之1。

但D友仔嘈嘈嘈，嘈咩姐？穿龍棍上G後人人都用得，
又唔係PVP又無分職業，鐘意用就用唔鐘意咪唔好用囉，
咁都可以嘈？你話D巫師太勁騎士唔洗打就有得嘈姐，
自己練左騎士太弱要重練隻巫師就浪費心血，
棍勁你咪整番枝棍囉，又唔洗重練o既。