屋企著開o既舒服襪差唔多全軍覆沒，
係仲剩番1對就快穿其他全部穿晒。
呢D襪以前係旺角百老匯果邊1間大型連鎖店，
唔記得座單勞定薄仙尼買o既，以為長期都有，
後尾再買番同花紋點知番到去質感係兩回事，
好在都係買多1兩對無大量入貨唔係就中晒伏。

響舊居床底櫃無意中發現對未開封o既白色襪，
1著之下簡值完美，不論布質、透氣度、彈性，
都比之前o既舒服襪有過之而無不及，
不過得1對，仲要唔知邊度買番黎。

較早前響吉之島買左兩對黑色薄襪，
橡根太緊整走左，著起上黎都接近舒服襪，
略嫌仲係爭緊D，唔知係滑過頭定點唔識講。

上星期響M&S又買左1pack4對襪279蚊，
布質都OK唯獨彈性方面都係不及舊舒服襪，
(我係用手指公同食指掰開o既力度分析，
舊舒服襪掰開完全唔洗用力)橡根亦較緊，
不過只要橡根位放響腳眼高小小就唔覺緊，
記得size要有幾大買幾大(我呢pack44-47)
整體黎講舒適感合格，只係279蚊比較貴，
今日又再入貨買多1pack。

facebook有人forward視頻解釋點樣盜取提款卡密碼，
原理其實好簡單，只要智能手機裝個熱能探測apps，
排隊o禁錢或買野果陣用手機影低個o禁密碼位，
就可以知道正話條友o禁左D咩，以123456為例，
有o禁過o既number pad上面會留低熱能，根據顏色，
越遲o禁果粒掣就會越深色，越早o禁果粒掣就越淺色，
所以1字淺色2字深小小3字再深D如此類推6字最深色。
好多時D人響ATM機o禁完錢轉身就走認真防不勝防。

又睇facebook有人forward另1條片仲犀利，名為：
Digital Pocketing Picking,Credit Card Stolen Wirelessly
From Your Wallet.This is Scary Do Watch it
佢整左個高科技儀器(?)，有wifi(好似係)感應裝置，
只要行近你身邊就查到你信用卡所有資料包括餘額等...

結論：呢d電子貨幣存在咁多漏洞，確實無乜安全感。
 

上回講到(?)keybroad壞左，因舊居兩部電腦轉黎轉去，
所以揀無線keybroad方便轉換，又係買番Logitech，
(話說我已經有3個Logitech無線mouse啦)
買到番屋企先發現原來print scr同home掣痴埋1齊，
就咁o禁係cap唔到圖，要o禁實FN掣先cap到，
而且部份掣D擺位亦唔慣，例如方向掣放右邊shift下面，
要讚o既係打字都算靜，夜晚打文章唔驚嘈到亞媽，
貪佢掣與掣間無咁大條空隙(呢個設計似之前壞左果個)
方便清洗，就咁用濕紙巾響面頭1抹就搞掂，
唔洗族粒族粒攝入空隙抹。

(呢篇野就係用緊新Logitech keybroad打)

響巴哈post左篇關於台版MHF會唔會因為卡版權，
而唔開放版權裝o既帖，純粹只係睇下大家睇法，
反正不論D人覺得會開或者唔開都係得個估字。

引來極大回響，D人對「閹割版」呢個字眼好敏感，
依我角度，日版有而台版無o既話就可視為閹割啦，
咁簡單o既道理都要反駁？又話咩小圓裝係額外野，
額咩外呀？不如台服只係得MH2 D怪丫？
其實棘龍、蠻龍、暴鋸龍全部都係額外野。

如果D版權物只係裝飾用仲話姐，偏偏唔係，
最好用o既技能響晒呢D版權裝度，睇日服D影片，
大部份都係著呢D版權混裝，係好重要o既1部份，
無左呢D裝唔單止係閹割版，叫殘廢版都仲得呀！

而其實我想針對o既問題係目前響裝備工房，
都可以睇到saber裝、進擊巨人裝只係整唔到，
假如台服真係無呢D裝o既版權，
唔通咁樣顯示就無觸犯版權條例？
要著到兵長咁個樣響廣場行黎行去，
諫山創先生先至有可能告到台卡？
but無乜人回應，回應o既就話係遊戲資料，
其實工程師要整到唔顯示呢D裝有幾難？
改個數字例如display=1改做display=0之嘛。

而估唔到原來大多數人都唔多睇好台服會開放，
anyway會唔會開放就只好拭目以待啦。

其實都幾慳錢架，味道係就係dry左D，
無任何肉類，今日全日可以話係食齋 XD