新居自己房間有張檯可以畫畫，
總算有個寧靜o既私人創作空間(studio?)
但較早前只能日頭畫，夜晚畫畫好易疲勞，
甚至畫畫下focus唔到，階因唔夠光，
換左盞18w白光慳電膽，持續畫幾粒鐘，
無出現疲勞現象，所以燈膽真係好重要。

天氣極潮濕，新居玻璃窗佈滿水珠，
洗左D衫曬左兩日都仲濕濕地，
連擺張紙響檯過左陣張紙都濕濕地，
以前聽人(好似係呂少)講過，
冷氣機有抽濕作用，而且冬天可當暖氣，
不過同亞媽住冬天開冷氣實比佢鬧晒電，
衣家自己1個住新居可以做實驗啦！

尋晚12點開冷氣開左兩個幾鐘到兩點幾，
窗口D水珠無散過囉，今日12點再開到8點，
開左8個幾鐘再加埋打開窗口雙管齊下，
D水珠感覺上都無乜散過(可能散左少少掛)
結果係無乜效，而開冷氣有無暖到呢？
如果冷氣所製造o既氣體溫度係固定o既話，
即係假設夏天30度冷氣令室溫變20度，
冬天15度都係令室溫變20度，咁就正啦！
經過開左咁耐，只係feel到開左等如無開，
即係房入面同行出房無乜溫差分別，
比冷氣個風口吹到仲凍D添。
結論：初步證實冬天開冷氣係無乜用！

仲諗住冷氣work o既話可以唔洗買抽濕機，
暖爐就唔買住啦，都3月冬天都就快過，
等今年10月後再考慮啦。

之前問過有關冬天可出暖氣o既冷氣機，
據電器舖sales話平時冷氣係前面吹冷風，
後面放暖風，而所謂暖氣功能只係開倒車，
變左前面放暖風後面吹冷氣，係搵笨o既，
仲變相吸埋排出黎D廢氣添。

pixiv spotlight定期會開d作品主題特輯，
例如粉色、構圖、魔法、水底、壁咚...
搜羅符合該主題o既佳作分享。

最近見到個以仿真食物o既作品特輯，
當中發現呢位神級繪師jiji，
佢筆下o既食物真實到呢，望住張圖5秒，
都搵唔到畫出黎o既筆跡，肉質o既反光位，
根本唔相信係畫出黎，我畫開畫都咁話，
佢仲有D製作過程去證明係畫出黎，
我懷疑係唔係將張真相塗色整到變畫，
然後反轉次序？ XD

好啦，當佢真係有咁o既功力，
但佢畫人像同動漫角色弱好多，
唔相信係出自同1個繪師o既作品，
唔通擁有咁深厚畫食物功力o既人，
畫真人會咁弱咩？ @_@"

雖然我都算食極唔會點肥，但小肚腩就在所難免，
要有小蠻腰就要再下苦功，平時食亞媽煮D飯，
次次都煮得多，由於自細有唔浪費食物o既觀念，
有幾多食幾多，好難控制食量，呢排自已住，
可以全心克制飲食，其實只要食飯時間有野落肚，
交下貨唔洗多，個肚係收貨唔發出想食野o既慾望。

3月2號
早餐：1碗菜、1包不倒翁芝士麵、1條焦
午餐：1粒金莎、十幾粒花生、幾塊薯片
晚餐：大家樂菜魚飯、少量餅乾薯片花生
宵夜：少量花生薯片朱古力餅

3月3號
早餐：無食
午餐：公仔碗麵麻辣湯味、少量花生薯片
晚餐：伊麵王香甜粟米味、少量花生薯片
宵夜：少量花生薯片朱古力餅

3月4號(後加)
早餐：無食
午餐：日版出前1丁麻油麵、少量花生薯片
晚餐：魚柳送飯、菜
宵夜：少量花生薯片朱古力餅

3月5號
早餐：無食
午餐：尋晚食剩D魚柳送少量飯
晚餐：辣麵、金莎兩粒少量花生薯片
宵夜：少量花生薯片朱古力餅

3月6號
早餐：無食
午餐：餅乾送麥片、少量花生薯片
晚餐：日清當兵衛烏冬、薯片
宵夜：少量花生薯片

3月7號
早餐：無食
午餐：辣魚柳送飯、菜1碗
晚餐：辣魚柳送飯、少量花生薯片
宵夜：蕉1條、少量花生薯片

3月8號
早餐：無食
午餐：花生薯片送飯
晚餐：花生送飯、少量薯片

展望持續1個禮拜觀察成效，
牛仔褲係最佳o既量度單位，
如果由好窄變做適中即係成功 :D

180g以上o既大薯片，1下子實食唔晒啦，
咁會點封印(?)佢？細個果陣我自創1種摺法，
將包裝上段卷起左右兩端屈起再全條向外反，
咁樣就可以唔用任何工具之下將包裝封印，
未必只有我識o既，可能仲有其他人1樣諗到。
呢個方法有缺點，如果同1包裝封印左幾次，
包裝袋巢左會影響封印扎實度，容易鬆開，
另外某D包裝質地太軟亦有可能封印失敗，
總之唔係100%封印到。
仲有可以用衣夾夾起，我嫌衣夾都唔夠力，
用文具舖賣果隻金屬夾，不過都係封得唔夠實，
容易漏氣或遭蛇蟲鼠蟻入侵。
用膠箱裝住都得o既，都係要先封印再放入去，
每次想食又麻煩，膠箱又未必夠大放180g薯片，
用耐左個箱又有味。
用密實袋裝呢D消耗品更加唔考慮啦。

行過新居附近間百佳見到有樣叫密封保鮮條，
1pack有幾條唔同長度，適合唔同size包裝，
起初都研究左陣先識用，用落又真係幾方便，
只要將包裝上段摺起再將條棍套落去，
想食果陣就咁扯番出黎，同1包封印N次都得，
衣家可以放心買D大包o既食物啦 =P