因為最近4月番小長門有希消失而係咁耳補下正傳故事，
咁o岩youtube有得睇，仲要係無線J2粵語配音版 :D
當然，日文配音無得輸，but涼宮系列有中配建議睇中配，
因為虛d吐糟通常講水蛇春咁長o既台詞睇字幕好易跟唔切，
虛d內心讀白比講出口o既台詞仲要多。
涼宮消失係1套兩個幾鐘o既OVA，故事發生響涼宮憂鬱後，
起初SOS團如常咁搞活動，第2日虛1教醒來個世界唔同晒，
變左無涼宮無SOS團無宇宙人未來人超能力者o既正常世界，
本應鬼隱左o既朝倉坐左涼宮個位，朝比奈唔認識虛，
長門就係衣家小長門有希消失果個長門，團員變晒陌路人，
呢個劇情發展其實幾吸引，有強烈o既空虛感，
正當失落之際，又搵到原本個長門留低o既1絲絲線索，
只要集齊d人去番活動室就有變番去原本世界o既可能之類，
原來涼宮響另1間學校讀書，虛去搵番佢當然被無視，
虛突然講佢係john smith，關鍵字好似開著涼宮某個機關咁，
涼宮展現左以前28集動畫都應該無出現過o既震撼表情，
交待1切後，涼宮決定番番北高間活動室，集合晒d團員，
條件達到，虛o禁enter掣後又走到另1個世界，
呢個係3年前7夕涼宮仲未搞SOS團o既世界，
呢度過程唔多重要，只係搵番綜合思念體長門幫佢解密，
又跳到發生世界變動前1刻，改變世界o既人正係長門，
虛正想去更正番個世界之際，朝倉就響後面桶左1刀，
失去意識前知道有另1時空o既虛走去幫佢執手尾，
醒來後，變番有SOS團o既世界繼續番故事開頭o既生活。
文戲都算多，罕有地1d都唔悶，其實睇完都有另1種空虛，
就係響無SOS團o既世界好不容易先集齊番1堆團員，
虛咁快就閃，撇低果個世界o既涼宮同埋其他伙伴，
可以o既話真係想虛響呢度好好相處1下，就算要走，
都好好交待1聲先o禁enter掣丫？唔知當佢o禁左enter後，
響果個時空(假設仲存在)入面其他團員會有咩情況，
A.見到虛昏倒，醒番之後問自己做左d乜點解會響果度？
B.見到虛突然人間蒸發左？
又或者果個時空因為o禁enter後而消失左，諗落仲失落，
全部人消失晒喎，虛仿如o禁左個核彈掣炸左個世界咁，
正因為咁先有今年呢套小長門有希消失o既作品掛？
如果響光陽園o既涼宮都有搞SOS團其實都幾有趣，
又諗，其實虛同果個世界o既普通人涼宮發展都幾好丫，
最重要係唔洗再對呢個涼宮隱瞞佢o既能力，
可暢所慾言，儘管個世界無再發生離奇古怪o既事件，
只要佢係涼宮，就算佢係神定係普通人都會1樣愛上。
虛其實都係開後宮，涼宮、朝比奈、長門都愛上佢，
(有d人仲覺得古川都係佢基友添)只係相比其他後宮番，
呢套感情表現得好隱晦，反而想睇涼宮吃多d醋，
又或者虛唔小心睇到涼宮走光、仆親擇落涼宮胸部之類，
偏偏呢d情節只係發生響朝比奈同長門身上 XD
|
