「你不愛競爭？但競爭會找上你！」
又諗起呢期紅爆o既活學教育廣告slogan，
本來MHFG無PVP無城戰應該與世無爭，
又整個獵人祭出黎，紅藍兩邊又亙嗆，
人類就係1種好易被煽動情緒o既生物，
1旦被灌上團隊、群組或種族身份，
就會不惜1切去攻擊其他非我族類，
不論公司annual dinner遊戲、RO公會戰、
黃藍絲帶、球類競賽、電競、校際比賽、
MHFG狩人祭等，今次主要講MHFG狩人祭，
遲d得閒再就呢種人性topic深入探討。

其實今日o既隊友可能係下次o既敵人，
今次係蒼組下次可能係赤組，做乜要傷和氣？

未到回合完結前最尾1日都唔會知邊組會贏，
結果MHFG(唔係FO)第1回狩人祭蒼組贏左，
黎維修前最尾1次逆任響赤組度都係輸，
輸得幾樣衰下爭140幾萬分，點解可以爭咁遠？
睇黎勝敗關鍵係最尾1晚o既逆轉任落響組度，
亦趁夜晚最多人online o既優勢拉遠差距，
臨維修前個逆任(6:00am到10:00am)就算把啦，
d人唔洗訓唔洗番工番學咩？

而今朝我起身都10點，仲諗住衝1下都無機會，
慶幸我無曬精神去衝，如果付出左努力仲係輸，
會激氣，而且我計過，以我1個人力量，
當我由逆任開始打到維護4個鐘頭無停過，
比盡佢1場99魂，打1場計開任掘野結算時間，
就算0針清到怪，前前後後都要5至6分鐘，
1粒鐘最多做10場1000魂，4粒鐘定多4000魂，
以140萬差距起碼要多350個人打足4000魂，
而且仲未計逆任只係49魂...痴線，邊有得追？

睇番今次賽果，8日有6日都係小綿羊獵團最高分，
呢個獵團新幹線FO年代已經出名，唔怪得輸啦，
對家勁到咁，邊有可能贏？

capcom都好惡意去羞辱敗方，整埋d咩敗犬裝，
勁肉酸，可唔可以唔好咁強調個敗字？
真係傷口灑鹽，令人無名火起！

入親果隊都係輸多，以前annual dinner又係咁，
最討厭呢d競爭活動，明明可以平常心咁過日子，
硬係要製造多個激氣o既理由出黎！
輸左o既憤怒係絕對遠高於贏左o既開心囉！

PS3版MHFG出左啦，4倍報酬增幅活動唔意外，
之前都估到佢實加倍，趁住4倍包左vip衝SR，
早排連續7日(定5日)無接過任務有100分鐘5倍，
加埋增幅4倍HC適正4倍vip3倍，5x4x4x3=240倍！
打1場霸種弩岩龍有338萬經驗值！痴線 XD
平均打1場升200個SR都無難度，短短100分鐘，
衝左兩把武器SR到9百幾，仲整左張比達圖，
"It's over 3000000!!"放上巴哈，開盡晒d野，
包括每日獎勵、公會特別信，有人話漏左歌姬，
之後試過歌姬加成只支援G任，SR應該無效。

尋日蔡記落信和兜過都唔見有賣PS3版MHFG，
用PS3上PS store睇有免費download(頭幾個就係)
我都開左個PS3帳號，諗住趁4倍用本尊帶衝上G，
but公測期間PS3版無得VIP，所以最多只能4倍，
打左幾舖唔對路，平均1場先升得1個HR，好慢。
4倍左都咁，如果乜都無真係唔知點升上去 =.="
唔衝啦，反正增幅遲d實會再開番，到時再用vip，
就算第時增幅得3倍+vip3倍，加埋唔係6倍而係9倍！
比衣家只係得4倍都多好多。

諗住用42寸大電視玩好爽，但D畫面出奇地粗操，
感覺有D似將PS2畫面放大咁(咁的確係PS2引擎開發)
睇番PC版順眼好多，可能因為PC個mon細，
再加上我仲要唔係full screen玩。

其實練PS3版都係為左可以響PSV玩過下手癮，
目前PSV版仲未實裝，又唔知會唔會同PS3版唔相通，
唔相通即係PS3版白練？都係睇定D先啦。

查實真係唔多明台卡點諗野，開得呢個增幅4倍，
無非都係想PS3新玩家可以衝等拉近同PC版距離姐，
家下咪又係比PC玩家用增幅+vip爽衝全武器SR999。

下星期淫遊劍客裝又再開賣，又係之前意料之內，
我都話佢實出番，唔係對PS3先起家o既玩家唔公平，
不過後悔買左榮譽裝，咁快出番淫劍裝就唔買榮譽啦。
 

剩係呢幾日，差唔多每日殺1隻蚊，
開住雷達液體電蚊香(應該超過半粒鐘)
睇住隻蚊可以響個電蚊香上面繞圈，
唔好話滅蚊連軀蚊都無力喎，上次開左1晚，
第朝見到隻蚊響窗簾布後面(想飛出去？)
唔怪得奇摩知識見有人話過，
市面上有40%以上o既電蚊香都無效果，
但佢話雷達牌已經比較好(亦比較貴)
咁都叫比較好？其他牌子仲得了？

月黑風高殺蟲夜黑旋風忍者為民除害...
唔知係咪只針對甲由啦(封面大大隻甲由)
用黎噴蚊麻麻，試過噴中左都仲繼續飛，
要噴中兩3次先會墜機，幫佢沖涼咩？

都係斑馬牌果d點著餅野燒o既傳統蚊香勁，
上次真係點著1陣，睇住隻蚊飛飛下墜機。

d蚊好奇怪，中左蚊香或殺蟲水會甩手甩腳，
明明又無撞擊，唔知點解會甩，痴得咁唔實？
而最靈異o既係，甩左d手腳都仲識旭(驚
究竟乜野動力推動到呢d零件活動呢？
咁幼細條野邊度儲存到能量呢？

有時你以為係甩左d眼睫毛出黎，
其實果條可能係d蚊o既殘肢...囧

通常包裝盒/封面好精美o既朱古力蛋糕類零食，
開出黎食又兩回事，但今次介紹呢隻就唔同，
boubron sylveine chocolate cake，紅色盒，
響759賣$20.8(會員價折左)，想知包裝係點，
請響google圖片果度search boubron sylveine，
睇番張單寫中文名叫百邦朱古力夾心洋酒蛋糕，
(but中文名search唔到)講番呢隻蛋糕，
食落質感同o岩o岩響聖安娜買番黎果D差唔多，
以包裝零食黎講還原度相當高！洋酒味就唔覺，
美中不足係蛋糕頂有粒朱古力包實o既提子乾，
如果無左果粒或者果粒係純朱古力或包花生，
咁就無得彈啦！

簡單形容下呢套作品，雖然有波欄o既戰鬥場面，
但劇情暴走、跳軌、反智、唔合情理邏輯，
我仲未接受到呢個超展開之際又爆出另1個超展開，
女角節操丟滿地，女主角更加係表表者。
節奏明快，用25集表現1套應該有100集o既故事，
仲有滿滿o既gundam seed既視感，
駕駛機械人要唱歌又macross feel。

1開始女主角angel係受萬人景仰o既王女，
突然比人知佢係為世所不容o既破魔，
被貶為賤民流放到荒島兵工廠從軍討伐龍種。
平時十指不沾洋春水梗係受唔到呢種打擊啦，
頭幾集係講佢點樣比人排擠、凌辱，
1次屠龍作戰中angel被擊落比男主救番，
已經好多(無露點o既)咸濕情節，
例如男主踩到雜物失足跌落angel胸部/兩腿之間。
然後angel以前o既皇室侍女桃香出場，
1個奴性高到異常o既人，擾攘左兩話之後，
angel逃出呢個兵工廠番番地球打算去救佢妹，
同時1個曾經處處同佢作對o既隊友希爾達都跟埋去，
自此佢地萌生感情，原來引angel番去係個圈套，
係佢王兄要處死佢，男主又英雄救美將佢救出。
之後番番兵廠同希爾達1齊被監禁處分，龍族又來襲，
今次出埋我認為應該係第2女主角o既龍公主薩拉子，
同angel打1場後撤退，地球果邊派兵黎消滅兵工廠，
打打下angel部機將佢同男主送到另1個荒廢地球，
男主同angel做愛中薩拉子d部下突入帶佢地去龍國，
薩拉子要angel幫拖，同佢玩網球、賽車等競賽(囧)，
然後angel又救助左龍國，angel又番番兵工廠，
最後大佬捉走angel要征服佢不過征服唔到，
angel又番番去，大佬企圖毀天滅地再重生，
然後又係打打打，打爆個大佬大團圓結局，
爆機後o既事只係唱ed升字幕整幾張定格硬照交代。

薩利亞呢個角色變節o既次數多到數唔晒，
1開始幫女主然後害女主又幫女主又害女主又幫番女主。
其他角色都唔少變節，之前係隊長果d又坐監，
連總司令都被坐過監o既希爾達取代，果然神展開。
好多謎之情節都未解開，例如angel同薩拉子初遇，
背景1堆angel同薩拉子著唔同時代服裝o既畫面想點？
21話男主自爆後離奇生還，1句話佢係打不死就帶過？

雖然超多吐糟位，不過除左女主受虐果d情節外，
其他又睇得幾爽快o既，而且唔少歌都幾好聽，
仲有呢套野聲優陣容唔野少，有水樹奈奈、堀江由衣、
喜多村英梨、小清水亞美、小倉唯、宮野真守等，
以為桑島法子配總司令點知居然係蘿莉！
亦笑到有腹肌，明明氣氛應該好沉重但又講d痴線對白，
希爾達話angel係佢王子，angel居然咀佢！
angel送男主護身符居然係o岩o岩除出黎o既底褲，
明明angel係1本正經冷酷女但做唔少有違佢形象o既事，
男主同最後大佬打果陣，話連angel大腿有幾多粒痣都知，
真係好耐都未見過(有見過咩？)呢種超反差o既劇本。