好耐以前都買過手動碎紙機，就係用手攪，
無記錯部野應該100蚊左右，但係好化學，
攪幾野就滑左雅，壞過兩部，唔come用。

呢次就比貴d用398蚊(原價455蚊)買部電動o既，
仲要係3M牌，應該有保證，形號係PS-1000，
部野都幾重手下，主要係個摩打重，
應該係鑽牆果d電鑽級數，唔係邊夠力攪爛d紙？
切出黎唔係長條狀，而係短條狀，碎得更徹底，
有咩私隱都可以安心切碎。

實際用落，入紙位闊度連A5打直都放唔入，
要撕開張紙或者摺起張紙再放入，
其實都唔係太方便，個箱亦好快就滿，
大約切20張A4紙左右就要清1清，
唔清o既話拉個箱出黎果陣好易漏d紙碎出黎，
說明書寫連續運作3分鐘會自動停20分鐘，
個摩打有無咁熱呀？唔洗冷卻咁耐呀fa？

只要打開個箱部機就感應到會停止運作，
所謂感應其實只係要個箱頂實粒掣先比佢行，
1拉出個箱頂唔到粒掣就唔比佢行咁姐，
不過造功比較求其，有時推入個箱斜少少，
頂唔到粒掣就運作唔到，要再推正個箱，
碎紙效率方面，速度亦唔算快，
大約7秒先食晒1張A4紙o既長度。

些粉隻星米VS淘大隻星米o既話，些粉贏9條街，
咁OK呢？OK都有賣星米，個牌子叫好知味，
食過後，除左米粉同蛋之外其他配料完全唔同，
OK有果d些粉就無，掉番轉些粉有果d，OK就無，
些粉有青豆、叉燒，OK有餐肉、紅羅白絲、蝦，
論成本，應該OK果隻贏，蝦應該貴過叉燒掛，
唔係脫水蝦米蝦乾喎，而且仲多1樣紅羅白。
但講味道同米粉o既質感都係些粉果隻贏！
OK果隻硬係爭緊d野咁。

未入正題前先講下自己玩鐵拳o既資歷，
我係由初代開始玩起，果陣係玩playstation1版，
街霸我都無玩過第1代(第1次接觸已經係2代)
果陣鐵拳1好多隱藏角色覺得隻game好充實，
雖然好多都只係換個名同外觀就當係另1個人，
當年鐵拳d角色建模做得比virtua fighter圓滑，
當然衣家睇番果陣d畫面梗係好肉酸啦，
而十連技亦玩得津津樂道，對鐵拳1高度評價。

第1代咁正第2代梗係繼續玩啦，
新加入風間準、雷武龍(成龍)等角色，
果期d立體格鬥game都偏向寫實型o既搏擊，
但鐵拳2有噴laser魔鬼/天使都算前衛，
真心覺得2代建模無咁圓滑有少少起角，
不過起碼d角色無初代咁多換湯唔換藥，
果陣覺得白頭山d踢腳踢得堅型！

第3代係有玩架，不過印象無頭兩集咁深，
應該最大印象係加入風間仁同埋綾曉雨，
同埋建模又圓滑番d。

第4代就無乜印象，呢代應該係出響PS2，
可能係我比較遲買機o既關係錯過左呢集，
最多只係落機舖出下十連技過下手癮咁，
聽講呢集家用版有横向動作模式，好充實。
無記錯o既話4代開始有出2vs2版，
即係揀兩個角色出去打可以打打下換人。

第5代果陣我響遊戲機中心打工，
當時日日睇人打，同事又打，令我重投鐵拳懷抱，
呢代開始我1洗以前用十連技屈機o既膚淺觀念，
較深入研究邊招確反邊招中段之類o既系統，
嘗試記熟每個角色o既動作同判定，仲出十連技？
比人撥開就任人魚肉啦，呢代開始玩air combo，
吊住人響半空打先無得反抗。

第6代又係停玩左1代，呢代畫面無乜大躍進，
加上呢個時期已經對格game無以前果份狂熱。

到第7代啦，今日先出家用版，畫面亦唔覺躍進，
最爆o既賣點應該係有豪鬼，仲1開始就有得用，
d招都係同街霸1樣咁chok波chok升 XD
而最吸引我o既其實係支援VR(PS4版限定)
靜係個換衫模式有得用VR睇已經值回票價，
仲有個VR battle，可惜只支援練習模式，
同埋無得換場景，更美中不足o既係無第1身視點，
唔排除日後DLC會追加番，諗諗下如果有第1身VR，
比對家吹飛個畫面都應該幾頭痛下 XD
雖然無第1身，但都可以較到個角色響旁邊咁，
好似同佢並肩作戰，仲有得較慢動作。

衣家玩落覺得捉唔番個手感，可能因為無joystick，
都幾難出招，連招亦好容易亂，經常記錯指令，
因為角色閒閒地都80幾招，又121、又122，
(1=左拳、2=右拳、3=左腳、4=右腳)
差唔多咁，好易唔記得呢個指令係邊個動作，
招o既timming亦掌握唔到，經常甩招，
好無癮，蔡記仲話等我online同佢打，
我衣家咁o既狀態都係米搞啦。

今年首個黑雨就響今日發出，番工前已經紅雨緊，
但打工仔紅雨都要照番架啦，出門果陣好大雨，
好在上星期買左防水波鞋，估唔到咁快派上用場，
番到公司對襪都無乜濕，雖然準時抵達公司門口，
但渣匙o既仲塞緊車，遲左20分鐘先入到去打卡。

響11點天文台先改掛黑雨，唔好再遲d先掛？
d人入晒公司先黎掛，facebook都唔少friend鬧，
咁大雨都唔捨得掛黑雨，次次都係咁，
事後睇番各區災情，坑渠蓋識跳舞、路面爆裂，
咁o既情況都咁遲先黑雨，係咪想搞出人命先安樂？
個黑雨掛左唔知有無兩個鐘，好快就轉番黃雨。

因為今個星期6日亞媽無過黎煮飯要食自己，
所以星期5放工就響百佳買定幾盒飯盒(?)
衣家黎分享下食後感：

好e食o既香蒜雞絲煙肉扁意粉
封面就好靚下，叮完出黎拆開個包裝，
好似有d乾爭爭，又係o既人地又無話有汁，
食落，感覺好dry，好淡口，無乜味，
好似就咁將d意粉、青豆之類拾熟就算，
無乜炒過/焗過o既感覺。

好e食o既菠菜忌廉雞肉闊條麵
嗯，呢個有番d味，但都係偏乾爭爭，
忌廉汁唔夠濃旭，點都比上面果個好好多，
果然有汁底係好d，都係實物同封面差甚遠。

陶大o既星洲炒米
比起好e食果d黎講呢個星米味覺還原度高好多，
但d肉好似肉鬆咁，實物亦唔夠色彩鮮明，
亦無乜蛋，些粉出果隻星米比佢好食好多！