響社粉買o既叮熱就食得飯盒，龍鳳茶樓只係牌子名，
唔係茶樓，推開個盒見附有膠餐具，咁佛心？睇清楚d，
原來只得把膠刀，你唔係要我用刀黎食炒飯呀嘛？
相信係用黎界開個密封包裝，既然你預我連餐具都有，
又點會無cutter或教剪之類呢？係咪多左舊魚？

不過見實物賣相幾好，叮熱之後亦無走樣，
飯呈金黃色，可見蛋炒得均雲，加上綠色o既青豆，
深紅色o既叉燒，有紅有黃有綠色彩鮮明，
食落亦唔錯，當然唔好拎出面茶餐廳即炒果d比，
仲有兩粒蝦，同封面張相1樣都係兩粒無多無少，
唔係蝦米，直徑大約比5毫子大少少，細過1蚊，
我雖然好鐘意食蝦，不過皮膚敏感唔食得，
好在佢得兩粒，食少兩粒都唔會太浪費，
佢炒到1盒都係蝦我仲覺得可惜 XD

價錢方面佢賣18蚊，比波仔28蚊o既咖喱雞飯平10蚊，
貴過些粉自家品牌o既星洲炒米(15個半)少少，
份量亦重過些粉牌星洲炒米，所以性價比算係高，
雖然食完都未算係好飽，大佬呀，今時今日，
響大家樂食個lunch閒閒地都要36蚊啦，
存放方面大約係5日左右，唔多come擺。

其實呢個餐上個月先出現，個陣容同3號餐差唔多，
又係炒蛋、麵包(佢叫鬆餅)、薯餅、野飲，
唔同o既係豬柳漢煲塊豬柳換左魚柳包入面塊魚柳，
同埋多左兜沙律醬，塊鬆餅可以換小麥圈，
講起兜沙律，第1次食呢個餐果陣佢係比牛油我，
無比沙律，唔知係比錯定果日未有沙律偷雞唔多覺，
用牛油查果塊鬆餅其實幾惹味，但之後無再比牛油，
上個月裝沙律o既兜都好有創意，係雪糕新地個蓋做容器，
再用細杯汽水果隻膠蓋吸住，個位又fit喎，
仲以為長期都係呢個配套，早幾日食見個兜真係兜黎，
即係之前係唔夠貨到要用新地蓋加汽水蓋頂住，
講左咁耐個沙律醬都仲未講好唔好味，當然好味啦，
不論用魚柳定係薯餅點沙律都好醒神！用炒蛋點麻麻地，
用鬆餅點就有d浪費，鬆餅o既價值只係為左飽肚，
整個餐黎講鬆餅係最唔好食o既，好似咖喱汁果舊薯仔咁，
夠飽o既話通常都唔會食埋佢，又未至於難食o既，
但千其唔好轉小麥圈，呢個圈更加唔好食！

美中不足o既係用魚柳送個鬆餅黎食d味唔多夾，
但3號餐用豬柳送鬆餅係OK，問題響邊？唔係魚柳唔好食，
係唔夠咸，要好似豬柳咁咸o既野送鬆餅先夠力，
咁平時魚柳包都係咁夾麵包又唔見唔夠力？
因為魚柳包多塊芝士同埋d他他醬，少緊樣都爭緊d。

話明中伏報告就只係揀d雷o既黎講，
唔代表全部都係伏，有好多都唔差o既。

豉汁蒸魚塊飯
唔想食咁多熱氣煎炸野，見佢話蒸喎，
就試下啦，1食，做乜d魚柳苦o既？
好重中藥味，係間間呢味送都係咁呢？
定咁o岩我食果間個大廚落錯料呀？
另外仲有d好似豆豉鯪魚o既豆豉。

咕嚕飯
我唔記得係咕嚕雞球定咕嚕豬肉，
主要係想講佢d咕嚕汁勁酸，
酸到過晒火，大家樂果d咕嚕飯係正常架。

焗豬扒飯
叫得個焗豬都係諗住唔多想等，
通常佢都1早焗起左，呢間個焗豬又係衰勁酸，
酸到過晒火，大家樂果隻味係恰到好處架。

蜜味雞脾肉燥飯
你蜜味雞脾飯咪好地地囉，加乜野肉澡姐？
講下d肉燥係乜，係d滑散散好似菇粒o既野，
唔係肉，睇見都唔開胃，名符其實食到燥底，
每次食之前我都挑走晒d肉燥，
不過撇除肉燥，雞脾送飯係無得輸。

山渣雞胸紅米飯
我記得之前睇過坐對面位o既人食呢個飯，
好似幾正常咁，就試下，1黎到完全唔對路，
就係d山渣汁，上次明明見果條友食果碟係無汁，
d汁鞋拾拾勁難食，我只係食左3份1左右就唔食，
而紅米d味道其實同平時白飯無乜大分別。

咁大快活d咖喱魚、蝦仁炒蛋、滑蛋魚柳、
粟米肉粒、蜜味雞脾飯(無肉燥版)都係正常o既，
尤其個蝦仁炒蛋好好食，可惜我皮盧敏感，
唔食得蝦啦，如果唔係仲唔餐餐都叫呢個？
不過幾年前個9王蝦仁炒蛋更加係超好食！

呢排903係咁播李克勤o既失魂記，
本來對呢個歌手同呢首歌都無乜感覺，
只係唔係我杯茶姐，未至於反感，
但播太多次就好洗腦，響腦海不斷loop住，
好煩！除非係我鐘意o既歌，
唔係o既話就好討厭，最衰播放權唔響我度，
公司個同事朝朝早都聽早霸王，
早霸王每日必定播1次呢首歌，
無其他歌咩？無記錯已經播左兩個星期。

首歌內容係宣揚孝義，亦圍繞老人痴呆症，
老實講，個題材好沉重囉，
唔想1朝早就聽埋d咁令人唔開心o既野！

再講李克勤因為送禮事件曾經7出國際，
唔知幾多年前曼聯定利物普黎香港，
(我不嬲唔睇波o既唔清楚係邊隊)
跟住李克勤懶醒咁整左幅畫送比果隊野，
點知班友番番國家都漏低幅畫響跟衣室，
呢件事真係令我對送禮勤形象扣左好多分，
自此之後都對佢唔多有好感。

雨季又來臨，把遮用完濕笛笛好煩，
等佢乾好曬時間，未乾完唔放得入袋，
有時唔係好大雨毛毛雨我都盡量唔想開遮，
亦驚放出黎涼乾把遮唔記得拎走(以前試過)
最近睇到有把超扇水遮，用超扇水物料，
林完雨只要係咁耳fing 1 fing就乾晒，
可即刻收番入袋，頂！早就要用呢d物料啦！

炎炎夏日，出街1定身水身汗，
果d咩野米田共牌巴焦扇就無乜用架啦，
盞吹d熱風，好似搵風筒吹自己咁，
但係如果手提冷氣機應該有得諗，
最近見facebook廣傳攜帶型冷氣o既影片，
又話用USB叉電又話要入水，
雖然咁細部勁極有限，吹得個頭吹唔到背
但起碼吹出黎都叫做涼風先啦。

但邊度有得買呀？行過旺角d格仔舖都唔覺喎！
好心d老闆快d入課啦！就算炒貴d都有得做呀！