這個是2010~2011年Kill標既第三次。上次既休閒路線，一支標都Kill唔到，所以今次就Kill多dd，補番哂。今次行既路線

對我黎講係好有紀念性，我記得係好耐之前，大約2001年既秋天，無啦啦有個星期日冇野做，就同阿爸講話不如去行山

囉，咁之後佢就話想行邊度呀，咁當時我記得中學既地理堂果位好偉大既「博士」岩岩提到過香港四大行山徑，咁我就

話，就行四大行山徑啦，當時冇乜諗過，亦都冇搵過資料，就走左去行。當年我老豆話大潭水塘好靚，而果度又有四大行

山徑，咁咪去左果度囉。果次條路線就係由紅屋開始行，行上大風坳，再轉港島徑第5段行去陽明山莊。之後去到陽明山

莊，見到原來果個位係同時有2條四大行山徑，咁見到衛奕信徑第2段既牌咁得意，話包埋地鐵果程，咁咪話下星期再行

囉，於是之後我就搵左好多資料。之後果個星期就走左去行衛徑1、2段，由果次起，正式開始挑戰四大行山徑，亦都開始

愛上左運動4大項「水、山、陸、空」入面既山項，我既第一場野外定向比賽都係果年開始既。而有一樣野要提既就係，衛

徑第1、2段絕對唔易行，而當時既我，好有印像既係，上渣甸山一段有少少老抽，而行完之後隻腳痛左足足成個星期。

到左今日，差唔多有10年啦，四大行山徑我全部征服哂，而其他好多地區既山，我都去過唔少，甚至唔少驚險既路線我都已

經行過，就連一年一次既旅聯嶂上武林大會都去過一次 、我見Kill左成年標，都未去行番呢個對我充滿意義既路線，於是就

Plan行番呢條。一路行一路回想番呢10年行過既經歷，真係別有一番味道。呢十年我行山既技術進步左唔少，我今次行完之

後，對腳只係有d緊緊地，冇痛啦。不過，唉，我都唔知係唔係8字唔夾，10年後，我又再係渣甸山一段老抽，真係吹漲。

路線簡介：

由赤柱峽道衛奕信徑起點開始，沿衛奕信徑第一段(鴻燊段)上孖崗山奪命樓梯，經孖崗山觀景台後直上孖崗山南峰，之後落

山坳位再上孖崗山北峰。急落淺水灣坳紫崗橋後再急上紫羅蘭山，之後過紫羅蘭山西峰Kill標再轉落黃泥涌水塘。在郊遊地點

外與港島徑匯合後，轉上渣甸山，之後降落小馬山石礦場再急上小馬山腰。在小馬山腰轉港島徑上畢拿山(畢拉山)落大風坳，最

後沿柏架山道經金督馳馬徑及紅屋落太古港鐵站完結。

名稱簡介：

哪吒馳馬衝紫崗

哪=畢拿山
吒=渣甸山
馳馬=金督馳馬徑
馬=小馬山腰
衝=黃泥涌水塘
紫=紫羅蘭山
崗=孖崗山
紫崗=紫崗橋
 

Kill標數目：

三角網測站：3個

導線控制點：3個

總數：6個

導線控制點#1005.04：香港島赤柱峽道衛奕信徑起點對上山坡
高度：110.3m

三角網測站#80：香港島赤柱孖崗山南峰頂
高度：387.7m

三角網測站#204：香港島黃泥涌紫羅蘭山主峰頂
高度：433.9m

三角網測站#237：香港島黃泥涌紫羅蘭山西峰頂
高度：438m

導線控制點#1034.01：香港島黃泥涌渣甸山山頂
高度：432.5m

導線控制點#1015.TS13：香港島大潭畢拿山山頂
高度：435.6m

詳細路線介紹