這個是2011~2012年Kill標既第十次。今次因為朝頭早入坪洲玩定向，所以得番個下午去行山，所以決定去個近d既地方行，原本既打

算係由稔樹灣行入梅窩再行出貝澳既，結果時間上唔係好夠，於是行到梅窩就坐車走人。今日既起點係揀稔樹灣既原因係，坪洲出黎

既船，可以去到既地方之中，稔樹灣應該唔係最方面，但一定係最平既地方。係呢度順便提一提各位，其實去香港好多既離島，係中

環既港外線碼頭坐船係好方便，但係本人盡量唔會咁選擇，因為通常係中環坐船去離島既價錢，真係超貴。其實如果你用少少時間搵

下，一定搵到d平好多既方法，有時呢d方法可以會麻煩d，用多5~10分鐘先入到去，但係有好多時會平一半左右。就以坪洲為例，由

中環至坪洲既船，假日慢船$20.7快船$39.4，但係如果由欣澳入愉景灣，再坐船(行少少去稔樹灣)入坪洲，就只需要$14.8，不過當然

啦，呢樣就要睇下你地坐快船慢船，又要睇下係地既地發地點啦。以上只係一個例子，想講既係，有時可以嘗試搵下多d方法入去，會

有機會搵到d平好多既路線既。講番今日既起點，稔樹灣既位置其實係愉景灣既盡頭位，呢個位亦係去梅窩既路段既起點。之後慢慢行

長長既山路，到行到去車路既時候，就代表你已接近熙篤會聖母神樂院。呢度曾經係香港天主教既靜修院同十字牌牛奶廠既位置，不

過之後廠房搬左上大陸，呢度就剩番靜修院。係我地行既小路出黎既位置係車路既一半，左轉落番神樂院碼頭，右轉上神學院。呢條

車路沿路每隔一段距離會有一d牌，講左耶蘇係行苦路去刑場既時候，一路去到復活所發生既事，所以有好多人會叫呢條上神學院既車

路做十戒苦路。上到去你會見到一間冇人既屋，呢度就係聖母神樂院。每年既復活節，呢度都會有好多人入黎參觀既。

過左神樂院之後，就係一大段車路，呢段路既特色就係暗斜，睇落唔係好斜，但係都好辛苦下，不過當我地爆林上左大水坑上面既一

坐不知名既山頂之後，滿足感真係一流，我個人覺得，呢個位既景觀真係一絕，呢個位望到成個坪洲既大C字，個景真係靚到呢，個人

覺得，呢個位係影成個坪洲最靚既位。順帶一提，係我地上緊去既時候，有個阿伯唔知有邊度爆林咁上左黎，我地條路已經叫難行，

但係呢個阿伯好隨意咁就係另一邊爆左上呢座山，果刻既感覺係，我有排都未去到佢呢們level....仲有就係，我地落到去梅窩銀礦灣之

後，覺得佢呢個名真係改得好，原因係當大陽光射落去海面既時候，我地睇到既就係一片銀色，好傷眼，攪到我地望都望唔到果海

面....落到黎之後，已經接近4點，唔夠時間行埋去貝澳，於是就係梅窩行個圈就走人，不過可以睇到一個咁靚既景觀，算係咁啦。

路線簡介：

由稔樹灣出發，經熙篤會聖母神樂院上大水坑，之後轉落梅窩完結。

名稱簡介：

梅窩樹坑賞神蹟

梅窩=梅窩
樹=稔樹灣
坑=大水坑
神=熙篤會聖母神樂院

Kill標數目：

三角網測站：0個

導線控制點：1個

總數：1個

導線控制點#1114.46：大崳山東灣頭大水坑275山頂
入手方式：梅窩-->銀礦灣-->東灣頭-->大水坑-->導線控制點#1114.46
時間：45分鐘
類形：Beacon A
高度：275.0m

詳細路線介紹