哇哈哈，因為尋日果場皇馬對巴塞睇唔到，

而銀河艦隊最終都係以三比一既比數被淘汰，唉！

所以今晚就睇曼聯對史浩克既歐聯次回合啦，

同樣都係趁呢段空檔時間去打番篇野啦，嘻嘻。

宜家都唔知想點，啲鼻水完全冇意識去收，係咁包雲吞，

好啦入番正題，講番呢次零期望既下學期測驗。

ENGLISH LANGUAGE`冇佢所講咁難同咁恐怖，

但始終都係有幾題係錯既，坦白講要打敗啲「漁人」真係有難度；

HUMANITIES`最初做填充果陣個氣勢都唔錯，

但係隨後就比啲多項選擇題同時事題嚇死左，

後面既LONG QUESTIONS將啲背左既內容錯配落條題目道，

成份卷基本上已經冇左至少十五分，已經係最保守估計，

呢次再想好似上次咁好彩已經變成「不可能的任務」。

C. HISTORY`首個測驗日最有信心既一科，

雖然多項選擇題都係錯一至兩題，

但後面用亂草寫既長問答部分應該都見得下人既，希望呢科有90%啦！

呢日返到屋企唔知點解個心情係極度灰-_- 溫書完全係提不起勁，

最後只不過將其餘要考果三科既課本都睇一次，成語更係好求其咁睇，

最有趣既就係夜媽媽先至走去計數，自討苦吃咁搞到壹點先訓:(

慶幸今日起身都叫有充足既精神既，哇哈哈。

MATHEMATICS`終於係期待已久既MISS IP做主監考官，

聽番佢果把久違既聲音、語氣同英文，不禁從心底笑出黎XD

或者佢係度既原因，份PAPER顯得唔難，慶幸我每題都識計，

奈何事後MR. CHEUNG話扣左幾分，全部都係CARELESS野=(

SCIENCE`仍然係MISS IP做主監考官，簡直謝天謝地，

話說我地進入禮堂之後，JACKY勁大力咁推開張櫈，有少少嘈，

MISS IP即刻轉身，兇神惡剎咁望住JACKY，再露啤，笑鬼死我！

而呢份卷基本上都唔算好難，大部分題目都應該可以攞足分，

希望今次可以攞番75%以上啦，順便拉番上次測驗果個不知所謂既成績。

CHINESE`對於中文水平能力咁低既我真係一個大考驗，

實用文寫作過得去；語文能力都過得去；

過唔去既係兩篇閱讀理解，即使白話文無太大既威脅，

但係文言文除左要譯左個字面意義後，仲要推敲佢個深層意義，殺左我算吧啦。

最恐怖既就係最後果十五分鐘未做果兩題閱讀理解既綜合意見題，

就連果篇宣傳文字都係寫到三分之二，壓力可以話係一瞬暑爆晒出黎。

雖然最後都做得晒，但係攞唔攞到65%都成問題……

放左學之後，我地四個加埋BRIAN`ALEX去左PIZZAHUT食，

MATT. LEE好合乎經濟利益咁樣叫野食，其實都OKAY飽，

超級夏威夷大厚批，免費升級多芝士，加三蚊有碟大既施撒沙律，

最那個既就係RICKY好似餓鬼搶屎咁，用自己食過啲叉叉刀刀去夾，唉！

之後叫左個海鮮寬條(麥面)LUNCH SET，除左呢樣可以SHARE黎食，

仲有果兩塊蒜蓉包同埋碗忌廉湯，樣樣都係「分甘同味」，並非口水大交集。

最後因為唔夠食，再加叫左個超級至尊細厚批，真係好鬼死正。

話說BRIAN果啲唔經大腦同埋啲核特動作真係幾好笑！而埋單連加一都係六十蚊有找:)

呢日返到屋企都係打機同傾MSN，玩到天昏地暗，

當然都練左陣琴，話晒都好似有成個禮拜冇彈過咁樣。

上半場終於踢完，曼聯再次以二比一領先，晉步既機會再大大增加左，

話說我睇左咁耐，打左咁耐，啲鼻水係完全冇停過-_-

轉頭起身之後就係面對一個個殘酷既事實啦，

我絕對相信聽日既心情會極度崩潰，猶如坐過山車咁樣，

點都好，希望聽日一切都順風順水，出黎個成績唔好咁樣衰我已經足夠。

好啦，呢篇野打到黎呢度都差唔多啦，期待下半場的開局XD