妹妹是一等一的台娛迷及韓娛迷，我們常常都被迫要聽她 ‘老公’ 羅小豬的事。
慢慢我開始對台娛都很有興趣呢，特別係小豬的確好靚仔又好笑！
但。。韓娛方面。。言語不通，加上佢地個個都差唔多樣咁。。 始終未能提起興趣。
經過妹妹努力惡補之下，我終於知多少少啦，起碼知道邊隊係Super Junior 同 少女時代啦 sigh!!
well, at least 我有聽過佢地啲歌同睇過MV. 雖然我都仲係未認得出佢地啲樣。吹啤啤！！
我會唔會就此喜歡上韓娛呢? 唔知架，不過至少我愛辛辣麵。
仲有韓國Skin Care...
我認識既韓國Skin care黎黎去去都只係個幾個牌子，其一常用就係 Dewytree 面膜!
哈哈，成日都入好多，自用又得，送比人分享下更開心！
之前介紹過既黑面膜，我到依家都定期keep 住用，好貼，好補濕！正！
http://blog.yahoo.com/ wengichow/articles/67383
面膜系列入面仲有鑽石同黃金面膜，我未試過架，聽聞都係好正既,冬日之選！嘻嘻，今個月我就有機會試啦!
DEWYTREE黃金活肌水溶面膜
蘊含珍貴黃金粉末成份結合膠原精華製成的水溶精華面膜，
由於黃金在皮膚表面可以產生一種熱導體，能促進血液循環，並加速排除細胞毒素，
透過韓國最新美容科技，能釋出負離子進入肌膚真皮層，並促進細胞新陳代謝、活化肌膚，
抵抗造成肌膚老化現象的自由基、達致延緩老化，美白、緊緻、抗老化一take過!
DEWYTREE鑽石亮肌水溶面膜
以極緻奢華的鑽石粉末及魚子精華，製成獨特的水溶精華面膜，源源融入皮膚內。
利用鑽石獨有感光性，調節皮膚表皮血液循環，並活化細胞，有效改善憔悴及暗啞膚色，帶出如鑽石般閃爍感。
同時能提升肌膚鎖水能力，重整肌膚結構，有助減淺皺紋。
由於鑽石粉末成份具有微晶磨皮般效果，使用後皮膚頓變柔軟，透亮度大大提高，肌膚瞬間回復幼滑細
嫩，皺紋byebye。
三層面膜，以我既認識，呢類型三層面膜上下兩層中間夾住面膜，用處係確保面膜紙係包裝袋入面均勻地吸收精華。
長期地直立面膜包，會令精華向下流，面膜紙的精華就會大大流失。
水溶精華面膜
質地非常特別，膠膠地咁，其實係特別設計.... 將鑽石/黃金粉末注入果凍質地既面膜入面~
係敷面既過程中, 面膜裡面既精華會變成液態咁滲入皮膚入面~~ 堅呢~
分開左上下半面兩塊面膜，任何面型人士都啱用，眼窩位鼻頰位等平日唔多貼面既位置都敷到。
上演一幕Phantom of the opera先！
眼位咀位既多餘膜紙，最好就係同黎敷鼻頰位，呢度係我地最易忽略又最易氧化既位置。要多加保護呀！
講真，呢塊面膜真係幾重，敷左就最好坐定定啦，唔係就會好似我咁...飛起晒。
敷完後唔會有好多精華留係面度，即時白淨左有光澤，滋潤都可以，好一塊急救面膜。不過幾個鐘後，塊面又乾返lu. 唉!
可能外界吹得太行，將佢地捧到神級咁高。用後效果只係不過不失，未有神級咁誇張啦! 我都係鐘意黑面膜多啲！
係敷完面膜後，我會即刻用面霜鎖返住啲精華。
DEWYTREE蝸牛極緻再生精華霜
沿自智利的蝸牛護膚加上DEWYTREE結合天然成份與
科研成果，令《DEWYTREE蝸牛極緻再生精華霜》有效解決多項肌膚問題︰
﹣純蝸牛黏液精華為肌膚即時提供大量水份而產生”零”黏膩感
﹣配合尿囊素及腺苷成份，緊膚同時加速皮膚再生
﹣被視為天然抗生素的蝸牛黏液，可消滅引致暗瘡滋生的細菌
只需擁有一瓶《DEWYTREE蝸牛極緻再生精華霜》，即能令肌膚細緻幼嫩，白滑無瑕，絕對是每個人的護膚品必然之選！
Dewytree 蝸牛面霜，又係想試好耐架啦! 哈，佢又好用，又好玩。去片！
近年大hit 既蝸牛精華，
外國有女士誇張到就咁放隻蝸牛係面上護膚。0_0 後果唔洗我講啦!
究竟蝸牛精華有咩好處？
有關蝸牛精華...
修護肌膚的賦活能量，蝸牛黏液萃取 - SCA活顏修護因子
西班牙IFC公司利用創新的技術，在不犧牲任何ㄧ隻蝸牛的情況下，成功取得蝸牛黏液的活性成分SCA(Secretion of Cryptomphalus aspersa; SCA)，活顏修護因子SCA所具有的活性效果為：
抗老化活性:保護肌膚減低外在環境傷害，延緩老化現象產生
幫助膠原蛋白作用:修護細皺紋，恢復緊實肌膚
保護特性:保護皮膚免於外在環境的破壞與侵襲
罪過罪過，Gi 崇上天然，一向都主張大家用植物提煉既skin care, 天然，環保。
今次要大開殺界，破界用上蝸牛面霜，原因係... 佢真係好好用。
Can somebody tell me i didnt kill any snail by using this cream.
質地好厚身，似好粘咁。
但一d 都唔笠, 好快吸收(可能係因為我太乾)，仲好滋潤。
用左2個星期，感覺很好，塊面冇咁黃啦! 仲滑左，真的！哈哈哈哈哈！
題外話: 愈來愈唔怕素顏出鏡啦, 因為皮膚真係好左好多囉~~ 哈~
只係用既時候會麻煩啲，因為一拉開就好似芝士咁會起絲。小心滴到周身都係呀!
效果好唔只我大讚架，連我身邊個位神級美容達人都讚 (唔開名，我知你估到既) 佢一放上手就話：依，好野黎架wor.
親冬天未過就密啲用蝸牛面霜先！擔心夏天未必啱用呢!
謝謝收看
Gi @ Y!blog
Gi @ SHE.com
Gi @ theZtyle
Gi @ BeautyLife
Gi @ Qooza
|
