| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2013 年 10 月 28 日 星期一  |
| 《小便時請用尿兜》 |
分類: 作既野 |
我發現最近有個趨勢，啲男仔好多時都鐘意走入廁格痾尿 我覺得呢個風氣好差。咁樣做唔單止唔衛生（容易射濕個廁板），最重要既係，喪失左男性既尊嚴。做男人既，痾尿一定要響尿兜痾，你一入廁格，就表示你係懦夫！
從古到今，痾尿都係男人之間既較量，如果你同朋友一齊落bar，坐坐下佢突然同你講︰「痾番篤尿先。」 佢其實響度挑釁緊你 係呢個時候，如果你答︰「我又去。」 即係接受佢既挑戰 但係如果你唔出聲，又或者話︰「我都唔急。」 你就即係認輸，今晚個場啲女，你無資格溝！
唔駛講，入到廁所，梗係唔可以入廁格痾，入廁格痾尿，一世都抬唔起頭做人，有自信既，應該揀最出果個尿兜，至於邊個為之最出，要視乎個別廁所既格局。我去過最正既場，一開門就會見到個尿兜，而且個女廁係正男廁隔離，成班囡囡響出面排隊去廁所，一有人開門入黎，係最出個尿兜痾緊尿既人就會俾出面啲人見到哂，係得呢個尿兜痾尿既，都係男人中既男人
不過家陣已經好少呢啲場，依家啲廁所唔知做乜，硬係要響尿兜同尿兜之間加塊野遮住，一下唔留神真係以為入錯左女廁 有次我個鬼佬朋友黎香港，一見到我地啲廁所咁既格局，就冷笑左一聲，我知佢個心一定係諗緊「東亞病夫」四個字，我覺得好羞恥！結果果晚我含淚寫左封信去康文署，要求佢移除公廁入面果塊死人板。其實一個「真正既男廁」，尿兜同尿兜之間果塊板根本就唔應該存在！入得黎痾尿既，就預左要同人較量，痾尿痾到遮遮掩掩，不如鴨尿片算喇。
男人之間既較量，通常睇三點︰
１外觀－外觀包括大小、形狀同色澤。有啲小朋友以為果度愈大愈好。其實大錯特錯。大而拙者，笨柒也。除左size，我地仲要睇形狀。至於點為之好既形狀，確實大有文章，不宜在這裡詳談。簡單講，頭與身既比例要恰當，唔好頭大身細或身大頭小。顏色方面，一般既標準係愈黑愈好，黑表示你身經百戰；淺色表示你乃初哥一名，俗語有云︰青頭仔是也！
２射程－愈遠愈好，如果你企得前過隔離條友，你就輸喇。但係記住要量力而為，無咁遠射程就唔好企咁後，行規規定，滴左落地既要乃番乾淨佢。
３水柱既勁度－尿柱開叉果啲就擺到明係腎虧，即敗。好既尿柱一定係夠集中，集中得黎仲要夠粗。如果你既尿柱係有力既話，打落個尿兜度，聲音係清脆既，就好似啲鑽石互相碰撞咁。
|
| 發表時間：2013-10-27 03:45 PM [ 編輯日誌 ] [ 分享至FACEBOOK ] |
|
