難得放假，跟很少見面的好姊妹去食返個Brunch~

唔想High Tea只食甜嘢咁寡，又想食下咸嘢，又唔想個價咁貴。

係openrice 搵一搵，就揀咗黎尖沙咀呢間Dabyida~~

呢間，夜晚係一間晚餐酒吧！

日頭，就變成一間有情調的餐廳~ 環境很不錯！

Brunch Buffet，都係HK$168起，都幾抵食！

因為太早，所以就無食生蠔！

下次黎，一定要試！

入到黎，舒適地揀咗window seat坐，陽光充足一啲，舒服一啲~

今次餐牌，都幾多嘢食！

揀一款主菜，而出面的甜品、沙律、芝士就任食！

這個，就係任食區啦~~

睇見都覺得好豐富！~

煙肉等，都有四五款！

想食咸啲、或清啲都有！

而且色澤很靚！

睇到人流晒口水~~

至於沙律，都有好幾款的種類。

就連醬汁，都有幾款俾你揀！

另外，還有一些意粉類的沙律。

溝了沙律醬，款式都有兩三款。

我比較喜歡食上面那款，因為有爽脆的蘋果~~

芝士盤！更是誠意之作！

不旦有普通芝士，也有水牛芝士、blue cheese！

你哋又鐘意食邊款？

這是我的沙律盤！很豐富吧？！

食材新鮮，是最重要的因素！

這一間，做得不錯呢~~

最正，是夾少少肉，放塊芝士在餅干上食！

又滑又甘香！Staice 食咗好幾塊呢~~

Spaghetti sauteed with ocean prawns, pancetta & spicy tomato sauce

海蝦脆煙肉粒辣鮮茄意粉

HK$178

蝦都幾大隻，而且幾脆口！

一碟有三隻大蝦，不錯！

意粉煮得軟硬適中。

但朋友喜歡食硬一點，對我來說是剛好了！

說是辣茄，對我這個不太食得辣的人來說，覺得真的不太辣。

如果你期望這碟會很辣，就不能了！

始終，西餐處理辣，也不夠中餐、印餐來得有層次吧？

但微辣加鮮茄，也配得得宜。

如果醬汁再濃味一點，就perfect了！

Baked mixed seafood with garlic, rosemary and fresh lemon juice

焗海鮮配香蒜露絲瑪麗鮮檸汁

HK$188

上菜時，海鮮部份是用鍚紙包著的。

上菜後，侍應才幫忙整開。

所以內裡的「海鮮汁」是封鎖在入面，滴水不漏的。

配菜有些沙律、薯仔。

調過味，幾好食！

海鮮方面，有一塊大魚柳。

一般，西餐處理魚，要不就煎、要不就炸。

往往很難食到滑溜的魚肉！

而這一次，讓我食到了！

魚肉挺滑，是多了點骨。

而且鮮味保留，再加了點檸汁，就帶出了鮮味！

帶子都幾大粒！

而且是原粒上！

加上成盤的海鮮汁，鮮味很出。

青口，一般會給人難入味的感覺。

這一次，沾上了海鮮原汁，感覺不錯！

如果，醬汁內加多一點蒜香，就更好了！

喝一口的檸檬茶，清一清味蕾，然後再戰甜品！

一望見這個甜品盤，就心花怒放了！

有藍莓芝士蛋糕！

Macaron

仲有果撻！！

藍莓芝士蛋糕，芝士味很濃！

愛芝士的朋友，就不能錯過了！

我更愛這個特濃朱古力蛋糕。

幾重朱古力口感。

上層是朱古力醬，中間是鬆軟的朱古力蛋糕，夾著朱古力醬！

小巧可愛的馬卡龍，不能錯過！

米白色的是伯爵紅茶馬卡龍，中間是杏仁醬。

很香、很滑呢~~~

而粉紅色的，是紅莓馬卡龍，中間是草莓醬，微酸，很吸引~

這裡的甜品，都做得很好食！

連加一，一人都係二百左右。

喪食甜品都抵啦~~~