|
第一次黎這裏食自助餐，環境唔錯，坐位闊落，食物都幾多野揀。
轉左一圈，海鮮有長腳蟹，螺，蝦等。
沙律菜，粟米，紅腰豆，蕃茄等，醬汁有黑醋，千島，白汁。
有一枱咖喱，雞，羊揀，有白飯，薄餅配。
唔少得最受歡迎嘅刺身壽司，三文魚，吞拿魚等，款式唔多。
再黎係中式點心，湯。
各類熟食，燒牛肉等。
仲有就係本人最愛嘅甜品蛋糕啦。
每樣野都試少少，味道唔差但又未至於話好好食，食完一次無返攞嘅沖動囉。比較有印象嘅係湯，椰子煲雞好夠味，真材實料值得返飲。右邊嘅係當晚廚師推介嘅響螺瘦肉唔記得仲有咩嘅湯，都ok，略微咸左少少。
甜品時間~即整嘅pancake，自己加醬配料，好香蛋味，再加上負責整個位小姐笑容滿面態度好，正。雪糕有好多味揀，食左呢幾樣，仲有牛奶公司嘅，不過淨返紅豆同雲尼拿，我想要嘅芝麻味無哂。
有奶茶檸茶等自助，無試，聽說唔太好飲。每人有一杯橙汁送，只有一杯，不能refill，而且侍應好緊張問邊幾個位有人坐先放低，好多自助餐都任飲架啦，做乜咁緊張。杯橙汁一啲都唔好飲，勁甜同好人工，明顯不是鮮泎。
侍應服務ok，收碟收得好快。不過咁嘅價錢同食物質素，要考慮了。
評分: 味道 3 環境 4 服務 3 衛生 4 抵食 2
|
