續上回，原來校長果陣係我地後面行緊

所以當時滾左出去食飯既我地就避過左呢一劫

校長見我叫佢八神

咁真係以為狂戰士個名叫做八神

咁校長就話：「やがみ，何かあったんですか？」

狂戰士聽到呢句之後

立刻啟動左狂暴化

之後手腳並用向左面既牆壁打去

並對校長發出怒嚎：「你條老坑唔好同我講日文呀！」

之後校長立刻變身超級撒亞人

身高180cm，會考30分，丁長30cm，8舊腹肌，4舊胸肌

但唔知點解，我係遠處都可以感覺到校長洩露出既霸氣同埋逼人既殺意

校長將佢既假髮扯開

露出一個金到發光

啲髮臘多到好似角質層咁既頭

之後係佢條西褲到拎左包黑冰出泥

攞左支煙，就咁含住係口到

校長：「你知唔知我邊個呀？」

狂戰士：「死中坑囉！禁千弐百拾壹式 八稚女！」

校長：「這陷阱.......」

狂戰士：「你老尾，咪扮當自己係姓譚果個校長呀下！」

校長：「少年，你還太嫩了。」

校長突然激髮！無啦啦有頭金髮暴現！

唔通佢既真身就係豪腕之鍊金術師？

點知未生完，估佢唔到，原來平日十下十下既校長真身竟然係KOF既賽斯！

一跳就避開左八神既攻擊

仲趁機會係空中使出埋鳳翼天翔

連一輝招必殺技都比你出到

咁狂戰士呢獲真係唔死都唔得啦！

不過攞彩還攞彩，學校塊地爛左唔好入我地數就得啦

同埋就因為呢一下鳳翼天翔

搞到我碟咖哩飯比佢震左落地......

同一時間，狂戰士消失係火海之中。

時間線又去返我果到先，上回講到我無晒HP同MP

仲出現左一班人

到底呢班係咩人呢？

原來呢八條友唔簡單

全部都係我細個玩洛克人果陣見過

不過基於我無晒力既關係

我叫我fd係我書包到攞本支票簿解決左危機就算

當然啦，多左八部機械人幫手，路上都安全啲既

起碼啲路過既老師都唔敢問我點解曠課先啦......

如事者，我返到屋企之後第一件事就係訓教

好似某啲game咁，難得升左技，save左先嘛

第一章　完