續上回，玥風突然有道光包圍住個身，似乎係一件好事多過壞事......
玥風緊握拳頭，全身力量有如洪水一樣洶湧而上，大喝一聲：「出黎啦！強襲機工廠！」
突然無數既坦克同戰機立即出現對奧格斯同岩石開火，就好似你玩GTA chok cheat一樣......
捉住玥風既岩石好快就爆開左，而佢都好完美咁打左筋斗落返地。
玥風：「比你見識下軍魂既實力啦！其實由我唔用槍果刻開始，我已經準備迎接新既力量啦！」
奧格斯依家就好似比人分完屍咁，滿地碎石，但由於佢係鬼，可以好快咁聚合返啲岩石，再次變身做岩石巨人。
奧格斯：「就算你再打到啲石變到沙一樣，我都可以再化做有形體，做沙巨人，甚至用你啲坦克戰機合體都一樣得呀！」
玥風：「鬼唔知，見過鬼仲唔怕黑咩！不過你又真係一隻鬼黎喎，所以你就緊係唔知我下一步想點啦！繼續射啦！超級大軍勢！」
1:1比例既戰機同坦克既密集轟炸再次搞到現場煙霧瀰漫，相信奧格斯今次真係要找數，做沙巨人，再唔係就煙巨人都得既......
奧格斯：「咁強大既軍火力量唔係咁用架，等我將佢地好好融合咁教你點用啦小朋友。」
SEN：「哇！估唔到奧格斯佢將坦克同戰機Crossover！今次將自己變左做機械巨人呀！」
面對自己既強襲機工廠變左做敵人既武器，但玥風反而擺出勝利姿態，面上仲有主角逆轉勝一樣既表情，可能今次真係贏到隻鬼啦......
玥風：「我仲諗緊你係同沙定同我啲戰機合體，估唔到你連間工廠都要埋，真係太好啦......」
奧格斯：「因為就黎比自己既得意兵器殺死所以語無倫次？你既精神力都已經消耗晒，除左拳腳之外，你連召喚支手槍都成問題！」
玥風：「的確召喚完兩次生產工廠之後，我既精神已經到左極限，唔可以再召喚多次，連想再召喚支手槍的成問題，但我要做既野......」
玥風都仲未講完，奧格斯已經準備發射......
奧格斯：「正傻仔，你估我好似動漫角色咁比你慢慢解釋再用超必咩！我依家就打死你先！咦，點解無野出架？明明仲有彈藥架喎，同埋戰機同坦克已經同我精神連接架啦！」
玥風雖然滿身傷痕，但都係要解釋埋落去：「都話巨人一向都係無腦架啦，一味打斷我解釋，我就係知道你一定射唔出先繼續講架嘛......唔記得講，你依家係郁都唔郁唔到，唔洗諗住衝埋黎撞死我，我其實一早將〝魂彈”植入左戰機同坦克果到，工廠唔洗問當然係有最多架啦。只要我一比指示，佢就會爆發出〝魂炎”，到時你呢隻鬼一定魂飛魄散......」
奧格斯：「車，咁你又一早引爆埋佢？你根本就無精神力同魂力可以用！所以係到同我打心理戰，我唔郁得都係你戰機同坦克注入左魂先咁樣，不過好快就消耗晒架啦！」
SEN：「咦∼睇黎奧格斯處變不驚啵，果然係巨人族既英勇戰士，幾危險都唔怕對手既策略呀！」
玥風：「你唔好再懶醒啦！我唔殺你住係因為要問你一個問題！捉你果班美國佬到底係乜料？或者我可以幫你報仇，因為我唔想我既朋友死，所以我都唔可以死係到，但仇我會幫你報埋，因為我知道你戰鬥係身不由己！」
奧格斯突然冷靜左落黎，其實通過打鬥，或者真係可以令兩個人互相交流，產生出一份濃縮的友情。
臭格斯：「哼，你唔好走數啵，果班美國佬應該都係見錢開眼既人，不過我知道有個人代號叫『G.F』，應該係幕後主腦......得啦，你殺左我啦，等我下世認認真真做英雄。」
玥風由奸險既勝利笑容變左做溫和既笑容，似乎真係認真想幫呢個敵人完成心願，不過佢心地好我係知道既。
玥風：「〝魂爆”！放心啦，我唔會走數，因為作為軍魂持有者既我，一定會好似軍人咁正氣，你安心上路啦，奧格斯。」
魂炎完完整整將奧格斯既精神慢慢消去，但感覺到巨人既殘影飄左上天，或者呢啲叫做撞鬼啦。
SEN：「得啦！真係好感人呀下，但都要宣佈賽果架∼第一場勝利者係玥風！傻仔仇魂隊先贏一場！」
我：「乜料呀！我幾時有咁報隊名呀？仇魂隊咪算囉，點解要加埋『傻仔』落去？」
SEN：「呀，唔好意思呀......原來個隊名係Qilar同你報既......咁方丈你想改返做咩隊名呢？」
我：「算啦，你幫我去除左『傻仔』呢兩個字就得架啦，我份人唔係好小氣架咋！快快手手抽埋下一場要出黎比賽既人啦。」
SEN：「係係係！依家就宣佈第二場比賽要出黎既選手啦......結果出黎啦！係星夜vs鬼邪！咁依家輪到仇魂決定比賽規則啦∼」
開頭好心急既謎之男都扯開左披風，將真面目示人，雖然鬼邪個真面目同LOL既夜曲差唔多，但真係可以感受到果份邪惡氣息......
我：「依家個戰場個地下穿晒窿，不如就玩尋寶遊戲啦，打埋呢場先再修復返個場地都未遲，反正依家先就黎黃昏，玩埋先再算都OK。我手上有個比卡超圖案既紐埃幣，你地只要其中一個搵到就得啦......當然其中一方投降都得啦。」
星仔心想：果然記得我能力係光，知道就黎入夜先比賽，仲有就黎無太陽光，鬼邪呢個影子怪物都好難入啲窿到慢慢搵。
我：「好啦，呢到一共有五個紐埃幣，分別係喵喵怪、車厘龜、小火龍、奇異種子，當然仲有你地要搵比卡超，依家我飛晒入戰場入面，搵岩衝到上觀眾席就為之贏。」
SEN：「好啦好啦！比賽開始啦∼就天黑啦！」
待續。
|
