韓國嘢食多咗，有時要清一清，食返日本嘢。亂打亂撞，搵到尖沙咀呢間上樓叫做「響葫蘆」的日本居酒屋餐廳。一行三女，坐低即食！

我哋叫了個「極上二人餐」HK$388，再加咗少少嘢食。呢度係二人餐的資料：

1. 和風有機沙律

2. 二色刺身

3. 軟瞉蟹卷

4. 什錦天婦羅

5. 香蒜一口牛柳粒

6. 響葫蘆香橙焗銀雪魚

7. 日式叉燒炒飯 / 香濃豬骨湯豚肉拉麵

8. 自家製蜜桃茶 / 日本清酒 180ml (1瓶)

9. 麵鼓湯

10. 是日甜品

和風有機沙律

其實無乜特別，夠新鮮就好食。呢個有機沙律還好不會有太多的醬汁，感覺比較健康。現在減肥中，所以比較考慮這方面會多一點！XDDD

還有新鮮的蕃茄呢~~

這是「極上二人餐」所包的二色刺身。都好新鮮下，見佢幾好食，所以我哋再ORDER咗一客的刺身拼盤！XDD

全碟有著五款刺身。大蝦刺身新鮮鮮甜！三文魚也是近腩位的部位！

還有最愛的赤貝刺身！！仲要係活赤貝個款！夠晒新鮮好味！

軟瞉蟹卷

大大隻的軟瞉蟹，夠晒香炸，唔會個脆醬很厚或很腍。微暖的軟瞉蟹，新鮮整起就製作壽司卷了，好味！

「響葫蘆香橙焗銀雪魚」這裡的招牌菜之一。香橙有著夏日很FRESH的感覺，最啱而家又熱又悶的天氣食！仲有滑滑的醬汁！個銀雪魚很滑，配答起上黎，很特別！一碟食不夠！

什錦天婦，包括兩隻大蝦天婦羅、南瓜天婦羅以及蕃薯天婦羅，都算款式多！而且個粉醬不會太厚，不錯。

這個黑椒牛柳粒，極度惹味！個牛柳仲要好滑下，唔會黏牙！食唔停口！當然，會比較味濃一點，但我很喜歡食！

炸雞軟骨

這裡的雞軟骨份量可不少！最愛是即炸即上！個炸醬很薄，而且熱辣辣食。調味粉也調得恰到好處！好好味！

呢個牛仔肉，燒得個外皮微香，內裡半熟，很嫩滑的肉質，而且牛味十足！比起牛柳粒會淡味少少，但同樣好食。