很FULL很滿的豪華板SHABU SHABU定食！有數款靚和牛、又有長腳蟹，就連野菜都係黎自日本！HK$378，係咪抵到爛？
食厭了放題式的SHABU SHABU，覺得牛肉過於平價？食品過於港式？可以黎新開的「溫野菜」食上全日本食材的SHABU SHABU！
裝潢也是很舒服的木色系。
喜歡這裡的細緻位，也做得很好！就連食具，都依然係有品味的樣式。
仲有電話套去保護個電話，貼心的設計。
這裡的定食有分四個價錢，其中三款係有肉食，還有一款是全素。湯底都有好幾款俾你揀。基本上，每款都一定有前菜、肉食、野菜及鍋物。而我這一款肉類是最高級的，還有松葉蟹腳。
湯方面，點了膠原柚子湯底。上枱時，膠原是看得見到濃厚。
開火後，會漫漫溶成湯頭，因為有柚子，會有一股清新感，不會因為膠原太濃而有油膩的感覺。
前菜，我揀了沙律以及這個蛋。還可以揀芝士。都是比較特別的前菜~~
這兩款，係兩款竹輪卷。朋友說有時還會有福袋年糕。白色的是蔥竹輪卷，下圖的是另一款，中間夾有像是筍的東西。
蔬菜方面，有這個野菜五品盛。當中包括了：原個生菜、旺菜、水菜、甘筍絲、啡金菇。黎自日本的食材，蔬菜都好新鮮、很甜。
如果蔬菜唔夠食，可以額外再點，都是十多元一份。我們額外點了福岡小松菜、宮崎京蔥絲、芝士丸等。
芝士丸真係芝士味十足！會有半流心芝士流出，芝士控唔好錯過啦~~
重點之一，松葉長腳蟹！！都有三四舊架~~
整熟後，都幾大隻，啖啖肉，鮮味十足。
重頭戲當然係牛啦~~~ 我這個套餐，有四款肉！分別是佐賀A5黑毛和牛、澳洲M9和牛牛肩、美國上級牛肋肉以及熊本豚腩肉。
一次過，試齊四款頂級肉類，整個套餐都係三百多，認真抵！！
熊本豚腩肉，脂肪與肉分佈是一半一半，整熟後，肉色不會很深，有點咬口，而且不會有豬酥味。相比出面的放題，熊本豚腩肉會滑嫩一點。
美國上級牛肋肉，脂肪較少，肉質會相對粗一點。男仔來說，會比較喜歡這個濃一點牛味，肉質粗點有咬口的。
佐賀A5黑毛和牛(左)、澳洲M9和牛牛肩(右)，論雪花分佈細緻度來說，當然是佐賀A5黑毛和牛，入口半溶，肉質嫩滑。而M9和牛牛肩，會牛味重一點。雖無咁嫩，但相比美國上級牛肋肉會滑一點。
面食方面，揀咗烏冬，感覺似自家製。
點滾都唔會糊的烏冬，食落爽口，滑溜！！
雖不是放題式大飲大食，但質素上絕對是高好多！想要享受優質SHABU SHABU，可以試一下這一間。
尖沙咀廣東道17號海港城海運大廈LCX 3樓37A號舖
請Like 我的Fans Page，可以有更多互動有趣的分享哦~~
Find Staice at Instagram：
|
