又落雨啦.....

真掃興呀,

今朝起身,終於成身都冇事啦,

隻腳又唔痛啦,

happy唷~''

今朝開電腦玩,

上到黎發覺有d留言變左亂碼,

下...唔係呀,唔好玩我啦.....

咁就係到整番好佢啦,

但係又整唔到喎,

連我回覆比人個d留言都係咁....

嘩....點算呀,點解會咁嫁???

整左好耐,終於整番到,

好彩呀~

到左晏就,麗如打比我,

問我有冇收到佢個sms,

下....冇呀,

因為我用左9字頭個個number呀,

6字頭個個因為就爆分鐘啦,

so用番呢個先,

原來佢叫我陪佢買裙同買鞋,

其實我都好想買鞋,

but買左番黎之後又比佢地鬧嫁啦,

so都係遲d先買....

原來yin同birdlee番左廣州玩呀,

c兄就有重要野要做,哈哈哈~

so就問我得唔得閒陪佢去匯景買野啦....

梗係得閒啦.....

不過個衰人今日都過黎,

咁點算耶,

之後同麗如講啦,

唔...佢都話冇咩所謂,

不過驚左電燈泡,

hey~點會呀.....

咁2點幾就出左街啦,

去到百街,麗如一早到lu....

個衰人仲未到,唉~真係耐呀.....

衰人到左之後,就一齊行啦....

起初覺得怪怪地,

佢地又唔出聲喎,

好彩之後都有講下野咁,

麗如好快咁就買左條白色既裙,

就係快手,之前已經睇中啦,

之後就去睇鞋啦,

睇左好幾間,都好似唔係好岩,

最尾就去左麗如睇中對鞋間野,

對鞋係銀色,尖尖地頭,

我覺得都ok既,

麗如就買左呢對啦.....

係買途中,麗如係咁叫我走,

話佢自己行得嫁啦,

買完都番屋企,

唉~都唔''爭''在個陣啦.....

麗如買完之後,佢就番家lu....

我同衰人就周圍行下咁啦,

都冇咩地方好行,

行到6點幾,就番屋企啦,

番到黎已經食得飯,

食飯個陣就問我個妹今日比賽比成點,

原來輸左了,

佢個番比我聽,

嘩...d人真係好''矛''呀,

又click人,又踩人.....

做埋晒好多既小動作,

有冇搞錯呀......

但係個球証又冇出聲喎,

但係到佢地接波個陣,

個球証又話佢地個樣唔岩,呢樣唔岩,又話唔知佢地做緊咩.....

唉~咁都得嫁,分明偏幫啦~

個妹仲話其他人都係咁啦,

又唔見話佢地.....

算吧啦,呢個世界就係有咁多呢d人嫁啦,

講講下,dad突然插把嘴埋黎,

話我個妹事前冇準備,又話人地有準備,

下...佢之前個幾日都有去練波嫁喎,

係你唔知姐,以家又係到話佢,

佢已經心情唔係咁好嫁啦,

仲要加多腳落去,冇野呀......

之後我個妹都費事應佢,

食完飯,有野睇喔.....

就係公益金啦,

不過睇睇下,就唔想睇lu....

入去訓攪啦~''