今朝個風扇係咁跳制,咁有人叫左師傅睇睇啦,原來佢話有野【落殼】(即係漏電),咁就成條線換左去,我初初見到師傅開個制門時想幫佢頂住個殼啦,我隻手原來係按到條火線(即係電源線),咁我就電左一電,好彩無事=,=嚇死,中電既就即死啦。成條線換左~我仲要幫師傅用野頂住d電線...好重阿(電線)。做到成身汗~又累,咁去到12點2就放食飯,咁下午係體訓堂...大獲,我上午好累用哂d力,下午又要上體訓,慘啦...。

體訓完左~成身累到可以訓著,我聽日就要考物理啦~我點都唔可以番到屋企訓,咁我份人好累同唔開心自然會燥D。

詩詩今晚打黎諗住同我傾計~逗我開心,咁我一聽到佢話介手就好擔心佢,咁就大聲左少少鬧佢=.=(我鬧佢既原因係佢唔識愛錫身體)我都有少少唔岩既~咁佢就喊左出黎~我都唔知點啦...唔知點解我又好心痛喎~唉...

咁佢就一直喊~突然呼吸急速,咁佢一緊張同驚就會咁架啦,仲有兩次差唔多透唔到氣...嚇死我,唉...我真係唔想佢為左果一些野而咁樣~我真係會後悔。雖然我而家好眼訓~但係都要溫埋書~