都已經唔記得係由邊一日開始,,

我阿媽阿爸由隔幾日鬧一次交到宜家每日不停係咁鬧交,,

每日喺屋企聽到既再唔係大家坐埋一齊傾計既歡笑聲,,

而係一次又一次既奪門而出,,　一次又一次既怒叫聲,,

坦白講,,　每次嘈交既話題一定係關我事,,

就算我冇做錯咩事,,　但個話題都一定係圍繞住我既事,,

既然我令到佢地咁煩,,　我係咪應該孝順少少,,　死左佢廢時煩會比較好？

人地話：死唔能夠解決問題,,　應該勇敢面對困難,,

嗯,,　死係唔能夠解決問題,,　但,,　只少,,　係一個解脫,,

哈哈,,　係咪覺得我既諗法有ｄ極端呢？　

我曾經講過比阿秀聽：

如果我夠膽既話,,　我真係好想就咁死左佢,,　我諗ｄ唔想我死既人一定好慶幸我唔夠膽死。

阿秀第一個反應就係皺一皺眉頭,,　跟住話：乜你咁諗野呀？

可能係因為佢係基督徒既關係,,　對呢個話題有些少敏感,,

但係唔知你睇到我咁打既時候,,　又有咩反應呢？

雖然我唔只得一次有想死既念頭,,　甚至諗過好多次,,

但始終都係冇去死,,　係咪？　呢篇野你就當係我一個小小對生命既想法啦,,

唔洗放喺心度,,　哈哈,,　或者你一轉過去第二個網度就唔記得呢篇日記嚕。

今日媽咪講,,　有一個16歲既女仔,,　讀書好叻,,　田徑比賽成日攞獎,,

樣又生得唔錯,,　但係某一日夜晚就訓訓下覺,,　心跳突然停左,,　

就咁樣離開左人世,,　好多人都覺得好可惜呀,,　包括我

我又諗：我讀書唔叻,,　運動又差,,　樣又生得普通,,　

如果,,　我好似果個女仔咁突然走左,,　會唔會有人惋惜我呢？