今日牛一，昨晚吃完豐富一餐日本buffet，多謝太太！

今朝一早七點半一個人到獅子會教育中心靜一靜•••影下睡蓮、蜻蜓、最後經過竹林，見到斐豹蛺蝶(我既幸運蝶，次次都見到)！現場環境好似梯田。斐豹好似同我捉迷藏，專飛上Ｄ灌木頂，影得它底部！後來飛上一級。諗住放棄，不過都上一級試下啦！點知隻斐豹無走喎！之後仲比我影左成十分鐘！真聽話！

之後同呀女去跳芭蕾舞•••係德福行左一輪•••後來係樓下club house瞓左一陣，因為好攰！吃完晚飯，返家！

今晚第一次睇「女王的教室」，「女王」真係好cool！個和美傻下傻下，真係好得意！全世界既人都好似和美咁就好啦！

Ｄ學生講"有困難時，「女王」一定係到！"所以無論「女王」點對他們，班學生仍然將「女王」放在心中！雖然把口經常話「女王」衰！「女王」真係好硬淨！擋把刀實牙實齒！當我地遇到困難時，可唔可以咁硬淨面對呢？下個禮拜好攪笑，女王唔著黑色套裝喎？造型仲好攪笑•••哈哈！

當樣就平靜地過了我34歲的生日！