星期六上午回校，預備校際話劇節綵排，呢班五、六年級女生係好想演戲，但係係用聲配合身體動作表達情感就差左d。希望係2月19日(比賽日)前，能夠改做到佢地啦!

排完戲，有個家長同我原本講佢小朋友讀書問題，講下講下傾埋「教女之道」、在家中要與丈夫協調。有時父母緊張，並不代表佢地係愛錫小朋友，相反溝通出現問題，將自己同小朋友之間距離拉得愈來愈遠，咁樣又點可以將你俾佢既message，有效地傳達俾個小朋友知，而佢又願意跟住去做呢?

有時大家需要停一停、諗一諗，其實自己同個小朋友需要d什麼。「空間」、「自主」、「Let Go」......教小朋友係一件偉大工程。一D都唔容易!互勉之!

工作過後，一家人到左Central Library 睇書。睇左幾本"莎士比亞"故事書，最有興趣係"馴悍記"。一路睇、一路諗點樣用話劇手法，表達一個老公如何將一個固執、從來唔聽人話既老婆變得千依百順、全城所有丈夫都羨慕、想擁有的太太，好有戲劇FEEL的故事!正!大家有興趣可以睇下!

夜幕低垂，去左一間越南餐廳(近SOGO)食野，Angela話呢間d食物唔得，灣仔分店會好D。大家下次又可以試下!

食完落到街，見到兩個宣傳公仔，Beatrice同佢地影左兩幅相。

係行去Time Square途中，見到個地盤。就住地盤附近生長的樹木，發展商係圍板上面開洞，比佢地可以繼續生長。雖然都係會影響佢地生長，但總好過斬左佢。一片和諧氣氛，湧上心頭!

彼此間的關係，如果能夠做到「為彼此開路」，生活一定開心好多！大家一齊努力啦!