每次我上司行開咗或者放假嘅時候，我都會感到自己嘅無能，彷彿任何事情都幫唔到手一樣，我根本唔係一個得力助手，同事問嘢我多數答唔清楚唔知道，我唔敢亂下決定，因此每次我都話要問吓上司先，做admin應該乜都知曉，但我並非如此，好多事情上司慣性自己做妥，凡牽涉到金錢嘅佢都會一手包辦，或者因為我嘅職責有限，但幫唔到忙嘅感覺越加強烈，好似今日office漏水，適逢上司出咗去，同事叫我打電話俾管理處，我明知同管理處冇關係，office內部漏水當然係自己公司負責，一時之間我根本唔識如何處理，最慘就係同事將件事睇得好嚴重，我冇膽去作出任何應變措施，於是惟有話要諮詢上司意見，我覺得咁minor嘅嘢都要問上司，實在替上司增添了不少麻煩。
