中工考完啦~真係真真正正徹底完成呢一年既課程,我都覺得無白費到,現在係學校仲有26日,我仲有一半野未學~果D都係1日半日已經學識既野,我真係有d唔捨得,覺得時間過得真係快啦。

今日係工場仲要做埋個配電電路,我做條槽又少左100mm=.=我到而家d壞習慣都未改,keke...成日遊魂同做錯野。我回想起呢年過得幾充實,起碼好過上年陪人重讀中五^,^。

而家諗番起阿琪陪左我半年,都係過幾好開心,佢而家都做緊份暑假工,仲成日借機叫我做佢d客-,-好彩我無佢咁得閒。

我阿爸又入左醫院啦><點解成日都要入醫院,我都不知幾擔心佢,佢都係靠埋d無用既西醫吊住條命啦/..\希望可以無事啦。

我阿媽都係最忙既一個~成日做家務,又無咩時間抖...見到佢有病在身又要照顧阿爸真係心痛死我。

呢年真係發生左好多好多事...真係日日新鮮獲獲甘,今年算係過得開心啦^^起碼我而家仲有d關心我既人^^

我而家又要面對事業既事啦=.=我好擔心將來既顧主係咪咁好人,但係又想讀書,還是....唔想諗太多啦。