今日同阿爸阿媽去左昂平...想搭下昂平360...佢地好似好期待...好似小學生去旅行既心情咁....去到個站...好多人呀...約等左30分鐘..我地就上左車喇.....個感覺唔錯....有幾段離地都比較高.....最衰就係好多煙霞...唔清囉......成個過程25分鐘..去到目的地個感覺都好好...好有中國feel...唔知係咪d人食哂野先...竟然d食館唔係好多人....我地就去左食拉麵..都ok...價錢一般...之後行左一陣...去埋大佛.....再去食豆腐花...就走喇...佢地好似唔係好捨得走....可能對於我去呢d地方唔係咁enjoy..不過對於佢地黎講..可能已經係一件大件事..同去左好遠既地方架喇...

之後我4點就去左灣仔....行左一陣...就去搵傻一...我地去左銅鑼灣食花園....個牛柳唔錯...之後就去gym...好攰呀我...做做下好眼瞓添....我地今晚報左個跳舞班.....basic既..但舞步一d都唔basic....完全唔知做既咩咁..又跟唔上....基本上如果由0開始..我會好enjoy....但係d人都好似好得咁..自己又知做緊咩...好似好肉酸咁....