今日放假，一日咁多啦，聽日又再返工喇，連續返咗十日工，趁今日放假瞓咗好耐呀，到下晝一點先起身，好滿足呀，但係好似都唔係好夠，今日主要都係做功課，每次執 Format 時，執到 Elyse 嗰 part 真係執到想死，一來佢寫啲嘢好難明，二來佢啲 format 唔知點解超怪，有時真係執到火都嚟埋，所以有時真係唔想俾太多嘢佢做，同埋佢又例遲先 send 俾我，唉，想話佢又唔好意思，真係有苦自己知呀！

今日陳慧琳打嚟問點俾帖我，真係突然俾佢考起喎！唔通真係要寄俾我？好期待五月十四號做的師奶兵團，但係嗰日我要考試，咁咪睇唔到第一集囉!！

今日超好天呀，如果星期六都係咁好天就可以去沙灘喇！！！

仲有要祝憶蓮今日生日快樂呀！！！