今日同湯米去咗淺水灣曬太陽
今次係今年第一次到沙灘呀
我要曬到一身古銅色
趕搭陽光小子的尾班車
哈哈哈哈
其實起身時見到個天陰陰哋
都有半分遲疑去唔去好
但係好彩去到都好猛太陽
今日淺水灣唔算多人
但係平時去開買嘢嗰間惠康同萬寧都執咗
其實今日都唔算好熱
仲好大風添
曬曬吓仲瞓著咗添
都幾舒服架
但係走時沖涼啲水就超凍
之後我同湯米過咗尖東食嗱喳麪
跟住去咗百利攞褲
我喺 Andy 度買咗兩條西褲
我條腰竟然有三十二吋半？？？
嘩
好肥呀
然後行咗一陣
去佐敦搭巴士返屋企喇

今日 Jessica SL 喎，好少有，但係佢三點幾返嚟，話要做埋啲手尾，今日 Heidi 又請我食晏，雖然只係叫外賣，但係都唔係咁好意思！今日喺公司執埋份 Report 啲 Format，想死，今日 Anita 同 Felix 又請食 Tea，但係 Kiki 今日放假，所以落 order 呢個任務就落在我身上，食鼓油皇雞脾時滴咗啲豉油落條褲度，勁樣衰呀！放工湯米同傻一去咗食啲嘢，再送傻一返學，今日湯米雖然早放工，但係湯米做嘢做到好忟，唔好忟啦，傻一氹番你啦！好冇！今晚返學好眼瞓，咩都聽唔入腦咁！我決定呢幾日休息，星期三先開始我的溫書痛苦生活，同埋仲要做埋個 Final Report，六月一號要交喇，啲時間好緊迫呀！今日終於都決定咗叫阿琳 send 張帖俾我，因為都諗唔到有咩機會會見到佢！

今日放假，一日咁多啦，聽日又再返工喇，連續返咗十日工，趁今日放假瞓咗好耐呀，到下晝一點先起身，好滿足呀，但係好似都唔係好夠，今日主要都係做功課，每次執 Format 時，執到 Elyse 嗰 part 真係執到想死，一來佢寫啲嘢好難明，二來佢啲 format 唔知點解超怪，有時真係執到火都嚟埋，所以有時真係唔想俾太多嘢佢做，同埋佢又例遲先 send 俾我，唉，想話佢又唔好意思，真係有苦自己知呀！

今日陳慧琳打嚟問點俾帖我，真係突然俾佢考起喎！唔通真係要寄俾我？好期待五月十四號做的師奶兵團，但係嗰日我要考試，咁咪睇唔到第一集囉!！

今日超好天呀，如果星期六都係咁好天就可以去沙灘喇！！！

仲有要祝憶蓮今日生日快樂呀！！！

今日冇咁多嘢做喇，啲時間即刻變番過得好慢，究竟多嘢做忙到啲時間過得好快，還是好得閒，啲時間過得好慢好呢？好矛盾的問題啊！！！今日 Jessica 同 Phoebe 都放假，個 office 好靜，悶死我同 Kiki 呀！死人 Shanice 尋日又話今日秘書節一齊出去食，今次又放飛機，唉，佢簡直係誠信破產呀！今日放工同湯米去咗做尖同跳 BS(1)，終於可以去做尖喇，我仲以為我今個月都唔會再有時間去做尖架喇，好開心，今晚湯米又好似好攰咁，今晚 e-house 好多人呀，仲見到好多人添！今晚本來想去 988 食嘢，但係去到個人話今晚會收早啲，咁之後改咗去文輝食！

今日 KiKi、Phoebe 同我同六個 Managers 去食晏
我哋去咗 Pacific Place 食泰國嘢
都幾好食
但係啲份量就好少
跟住我哋三個走先
因為 Phoebe 要去運輸署續電單車牌
今日我哋三個差唔多一點搭十先返到去
作反
今日好多人都議論紛紛
問點解六個 Mangers會特登約我哋三個食飯
因為咁耐以嚟真係未試過
八婆 A 話因為我哋都算幫佢哋做嘢
所以佢哋同我哋食餐飯
是非精 B 估係因為 HR Conference 嗰幾日
提到要有 Team Spirit
所以嗰幾個 Managers 就帶頭做起
而啲 Managers 就話只係因為就嚟到 Training 的 Peak Season
到時佢哋又會周圍飛
好多時都會唔齊人
咁所以就趁齊人食一餐
但係要澄清呢餐係要俾錢架
但係我哋三個都覺得佢哋計平咗我哋
遲啲佢哋又話五月三號去南丫島天虹食海鮮
仲包埋船
好誇咁
今日湯米嚟陪傻一食嘢
跟住送傻一返學
湯米仲送咗隻一峰的一期一會 CD 俾我
好開心呀
我宜家己經聽緊
跟住同湯米一齊搭巴士
湯米就去旺角
約咗人交收 CD
今晚放學又傾咗一陣功課
好攰呀
返埋聽日終於可以抖一日咁多