今日問咗 Shanice 同 Anita，原來李燦榮真係幫 Deloitte 講過一個關於壓力的 Talk，Anita 就覺得個 feedback 都唔錯，但係 Shanice 就話佢講的內容都係好普通，冇乜特別！之後我覆咗 Flora，總算解答咗佢的問題！放工去咗做尖，經過大班芬蘭浴，原來已經執咗，今晚 Physical 啲電視有啲問題，無線就冇嘢睇，亞視就勁多雪花，唔知係咪個天線有問題呢！
今朝早起身好攰呢 好似冇瞓過咁 成個人散晒 唔通我有夢遊？？？ 今日只有我帶了飯盒 所以 Lunch 只有我一個人在公司食飯 感覺好淒涼呢 (神經病又發作，哈哈) 放工和湯米食咗啲嘢 我就返學 而湯米就去咗做尖 湯米仲買咗兩包朱古力俾我溫書時食 好嘢 返學時搭巴士冇位坐 最激氣係後面原來有架吉車 但係飛咗站 我企到好攰呀呀呀 今晩返到屋企時 見到陳慧琳寄嚟的請帖 一拆開 唔知點解有一種覺得佢哋兩個好幸福的感覺 但係我想問點解我又有餅咭 又有利是嘅？？？ 今日收到 Flora 一個電話 問我關於李燦榮嚟 Deloitte 做 Training 啲嘢 嘩 十個奇怪呀 今晚返學都係做 Revision 因為就嚟考試喇 擔心 ing
又是陽光充沛的假期 湯米和傻一兩個陽光大男孩 當然要把握機會 利用五一勞動節假期 去沙灘曬個夠啦啦啦 今天乘巴士到沙灘的人多 到達淺水灣後看到更多的人 在 7-11 買東西的人也要大排長龍 起床時天氣還不錯 但是到了沙灘後 陽光反而減弱了 今次我又再次瞓著了 好舒服啦啦啦 淺水灣有很多菲律賓或者是印尼藉的人 她們真是無處不在 今日又有機會食到出名的北角雞蛋仔 夜晚還看了 Spiderman 3 這是湯米想看的電影 雖然我沒有看第二集 但都看得明白 今集的內容比我預期中複雜 亦比我想像中少了刺激的場面 但其實都已經是一套很好看的電影了 而且覺得男主角那份戇直同傻氣好得意同討好
今日返工都唔多嘢做 今日叫新釗記外賣 但係等到十二點九先送嚟 九秒九食完個飯盒 跟住去咗 Pacific Place 買嘢 返到公司啲八卦同事又問買咗啲咩 放工去咗做尖同跳 BS(1) 我好俾心機跳呀 出咗好多汗 我要減咗個肚腩呀
今日唔經唔覺又瞓到一點 好舒服 湯米今日同同事去行山 由東涌行去昂平 但係湯米話佢哋行咗三分一就折返喇 因為佢哋其中有人行到好攰 唔可以續繼行喇 之後我哋去咗做尖同跳 BS(1) 原本諗住去按摩 但係最後都係冇 諗起啲人好似好想趕人走 又諗到已經七點喇 同埋又唔係真係好想按 跟住就唔想去喇 其實都知湯米好攰 湯米都唔想去行街 但係湯米都冇發脾氣 傻一下次再同你去過按摩啦
