長期缺乏郁動嘅後遺症係肌肉痠痛，今日嘅我感到周身骨痛，難道尋日行山真係攞苦嚟辛？除咗身體上嘅痛楚，心境上同樣地相當差勁…完全知道自己胸襟有幾狹窄，件事過咗都有一段日子，點解直到今日我仍然介意，依然無法放開，芝麻小事一樁我都斤斤計較，我真係…唉…我根本知道係乜嘢問題，為何總會知而不行？一係就唔嘗試，一係就嘗試後立即想有結果，究竟我知唔知每件事情唔係只得兩極？