今日1點半到起左身...冇咩野做..又冇約到浩文...其實都覺得佢今日唔想出街架啦....嘻嘻...不過我都係...所以今日冇逼到佢lu..!

   之後,洗左自己d衫...打俾浩文...同我估計既冇錯..佢唔想出街...不過佢話聽日同我去九龍城行吓...我要去九龍寨城公園...哈哈...

   今日要煮埋野俾肥叔叔食...唉..佢問我肚唔肚餓...仲講左幾次咁多..我就知你想我煮埋啦...算...你唔收我租...我點咁對你不敬呀...食完之後...都係我洗野...!!!

   冇咩野做...睇左兩套戲...海盜既1,2集...幾好睇呀..尊尼特普都幾搞笑..!!

   尋晚同老公豬去左尖沙咀碼頭..睇"幻彩詠香江"呀..哈哈..好開心!! 浩文同我講番佢都話尋晚好開心..我地冇諗住睇架..本身諗住去九龍城既..但係..既然都上左1A咯..咪搭到尾囉...抵d嘛...哈哈...就係咁...去到差不多8點..所以就睇埋先行啦~~我好鍾意呢個show架...因為佢個名同我一樣..都有個詠字架!!!

   唔講住..睇埋套戲先..!!!..轉頭返黎..!!!

~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~.~

   今日真係好鬼悶呀..直頭連落街行吓supermarket都冇呀...悶到死...今日到依家都係對住部腦...係咁打番之前d日記上去...又同浩文講吓電話...又同佢online傾吓咁囉...

   哈哈...今日上番師父個網到...睇吓佢有冇覆我...哈..佢有喎...仲話希望我可以出席佢d活動喎~~哈哈哈~~係既話..到時我駛唔駛舉牌架...

   同浩文講左好多野....佢係咁同我講佢真係冇第二個...不過諗落...佢有冇...我係會feel到既...或者佢今日...係好想要有空間囉...不過俾著第個...都唔想個女友咁貼身既...呢樣野...我都明白...不過...頭先...我留言俾佢又發左佢脾氣lu...!!!