响呢間公司裡面我只係一個小小既sales,不過...咁唔代表妳可以將你唔鍾意做既野俾哂我做個bor,要做就一齊做嘛....黎再咁耐,次次做轉鋪貨你就做搵果個...我就要做包果個....小姐....公平d啦...揾就好易架咋...要包好難架....!
我真係唔明點解妳可以做得出問吓人地有冇貨要囉?!?!....喂!你慷慨你既事呀....咁你自己包囉....做咩揾哂出黎之後擺响到要我包姐?妳咁大方妳自己包嘛....妳就醒啦....識得同阿姐D friend打關係,妳主動問一句,人地就成張list咁fax過黎啦...小姐...妳都顧吓人感受呀!!!真係難為你會講得出"一日到黑打黎借貨,做呢d都冇哂時間啦!"...哼...真好笑,妳照單執藥咁有幾難呀???妳望吓我先啦小姐....我要續件用泡泡膠包架...我先係辛苦果個囉......
唔怪得之,之前個女仔做左3個月都話唔做啦.....粗重果D就俾哂人做....人地梗走啦(個女仔自己講說黎話太多野做,以前賣碟都唔駛咁辛苦喎~)...!!!晚晚做清潔,好似同你鬥快咁,唔聲唔聲就去攞除塵把黎清潔個地下,以我所知呢樣野係唔雖要好多力個囉.....我就要晚晚行出行入黎攞水拖地!
都唔明白點解一個二個做得耐過你就要扮哂阿姐咁...唉....我做唔緊要...話哂我都只係做到4號就唔DO啦~~妳地再係咁樣既.....咁就唔好怨公司冇新人啦.....係你地整走哂人地姐.....一句唔鍾意做就要人地做....咁人地又好鍾意做呀...妳地唔好忘記呀....妳地人工多過我地架....公司請妳返黎點人做野架??
全公司我只會服一個同事,亦係唯一會尊敬既一個同事,我一入黎就係佢帶住我,教我做野,有野一定會一齊做,冇分大細!我睇到每次做粗重野...佢都唔會叫我做...但...我要講...佢係一個年紀開始大既同事...我話佢知我既去向...佢竟然第二日打黎同我講..."阿女...我問過人呀...你個課程係咁...咁...咁....將來係會做d咩咩咩....你要諗吓至好呀....我驚你做唔黎呀...!!!"
我一次次做錯野佢都會幫我,做錯大事....D阿姐唔妥我....佢就會語重深長咁同我講野....唔知點解好鍾意聽佢講"阿女你乖啦,唔好咁啦,你乖乖地啦!".....同佢傾計....我都好鍾意聽佢講"死女包", "衰女"......只係我唔爭氣...一次又一次咁犯錯....如今我就快要離開公司啦...妳既教導,我會銘記於心....妳係我呢世女一定會記住既人..."蓮姐...我一定會記住妳!" ^^ |
