今日好如常咁返工...奇怪...等極送貨哥哥都未黎...待吓又一個鐘..等吓又一個鐘....結果....等到我收鋪果刻終於黎啦...!!!

    嘩....42箱貨!!!....唔理鬼多...黠哂箱數走人...嘻嘻...仲叫左司機哥哥車埋我落山添bor...佢幾好人呀....直頭車到我埋碼頭添bor......好野....我仲慳番程車錢...

    好開心咁坐左程順風車.....不過聽日就.....得我一個拆貨....嘩...諗起都想喊呀~~~~~~42箱呀...仲要得我一個人整!!

    不過,仍然要感謝上天俾我搭到程順風車

    今日我收7點...之後就去左紅磡出席太婆既喪禮...!!!

    原來太婆有94歲啦BOR...對太婆既感情唔太深...不過一年我都會跟麻麻到老人院探佢幾次...雖然同太婆感情唔深...不過當我望到太婆既時候...不禁鼻子一酸...太婆真的走了...!!!

    回到爸爸的家,睇左陣電視就瞓啦...臨瞓前同老公浩文講左陣電話...佢今晚冇好似平時咁口不擇言LU...算你識諗左D啦...!!!

    今日放假啦.....哈哈哈.....終於輪到我放啦.....可以瞓耐d...但...我都只係瞓到11點幾就醒左...唉...本來諗住瞓晏d架嘛...點知都係早起身.....

    到左出街果陣咪覺得眼瞓囉...不過我都好夜先出去囉...9點幾先去到九龍灣同老公浩文行宜家傢俬...之後行左去牛頭角下食野...冇幾耐就走左lu...

    咁又過左一日lu...就快又到2008年啦...今年過得真係快呀...希望大家年年都咁快樂!!!

    嘻嘻....過target啦...辛苦咁耐終於過啦....!!!

    今日一開鋪....都幾驚架...事關假期過後都會好靜....尤其係山頂...今日都唔算多人架...不過我sales吓sales就都有差唔多6千幾蚊...嘻嘻...!!!

    老公終於今晚為尋晚既事而氹番我...但...我仲係唔係咁開心囉...!!!

     今日好忙呀~~搞到晚上7點先食飯...(尋晚都係)...冇計啦...太忙啦...為左過今個月既target...冇計啦....

    不過我地今日都做左2萬....哈哈哈....莫小姐(老世)仲話係我地最叻添bor...佢仲同我講...."其實你做得幾好架....你要俾心機呀..."...真係嚇親我...咁點算呢...聽日蓮姐放假呀.......我好驚bor.....皆因我唔識做生意架....我唔識追數....好驚驚~~

    老公今晚講錯野...激嬲左我...佢竟然一錯再錯....火滾....學Lemioi話齋..."得罪本宮係唔會有好結果架~~哼~~"