我日係星期六.....本來我就係應該好忙.....但.....我諗呢兩日我都應該清閑...!!!

    事關我今日唔係返山頂....係去左太古城果間APITA(前身係UNY)...原來我地公司响果到有Consignment...不過掙係買燈....不過唔去唔知....原來我地公司都有幾多燈個喎~~

    去到APITA,咩都唔識,又冇熟人...不過竟然俾我見到果到有間OSIM....我行埋去睇吓有冇舊同事啦.....哈...真係俾我見到Connie...咁當然行埋去相聚啦~~Connie仲講左好多野俾我聽添~~由我離開Osim至今...原來佢地都發生左幾多事~~!!!

    今日都真係幾悶......不過.....亦正因為悶....所以我有時間學到樣野.....原來...一個慳電膽...佢既火數...係普通擔既5陪....即係係話...如我果用果棧燈係要用25W既話....咁我去買一個5W既慳電膽....咁就OK啦~~,如果要用一個40W既燈膽...咁...我去買一個8W既慳電膽就可以啦....如此累推...!!!

    仲有....就算買左相同火數既燈膽....兩者都可能有光暗既分別....咁樣.....就要睇埋兩者既<流明度>有冇相差啦...!!!

    哈哈....好開心呀....學到咁多野....感謝上天賜左呢個機會俾我學到咁多野....相信對我日後返到山頂賣燈果陣一定有幫助...

    收左工,打俾老公...點知...又俾佢激親...我地又嘈交...今次又係嘈得好緊要...(有邊次唔緊要?..苦笑)...不過...最後都係我勝利......之後..佢仲打多幾次電話俾我係咁同我Say Sorry添Bor~~

    算你啦~~

    聖誕節仲有5日就到啦~~~過埋聖誕~~再過多6日就係2008年啦~~我覺得今年過得好快...快得真係好緊要...回想起去年既聖誕節...我就好唔開心啦~~!!!

    幸好有Lemioi陪我過...我仲記得25號果晚我帶去一個地方...我諗只係得佢一個會咁樣陪我...我去年既12月...發生左好多事...我好唔開心...

    呢個經歷只有我先有...呢種感受只有我先知...冇人可以帶得走...

    老公...希望你對我會一日好過一日啦...我知你已經有唔同左....希望你繼續進步啦~~~!!!

    正所謂~~東大過年~~!!!

    我今日同阿媽放埋同一日....所以之前就約定左婆婆今晚做東...!!!

    今日實在太好瞓啦.....雖然尋晚都成3點幾先瞓....不過....我今日就瞓到成2點鐘先起身....當然啦..日日係咁做....點都要俾我休息番多d啦.....哈哈哈

    今晚...我見到大舅父冇咩野....佢仲同表舅父佢地有講有笑...不過....佢始終....都冇睬過我...我唔強求..因為..我知係我既錯...雯雯會記住你多年黎教我既野...大舅父...你要保重...!!!

    點解我呢刻仲會喊得咁犀利?!?!

    今日好努力咁抹野~~好努力咁做客~~我唔要條數好似尋日咁~~

    今日蓮姐同我講左好多响呢間公司到做既哲理...佢亦都安慰我...叫我唔好理莫小姐(老世)講咩.....盡左自己能力就可以啦...我都明....但.....唉....我開始明白ICY既感受......

    放左工....我就去左慈雲山搵Lemioi...搵佢幫我整吓部NDS....事關我DOWN左D GAME玩唔到.....哈哈哈...又可以見到你啦.....美女....

    完來係我呢個白痴唔識整野......Lemioi話原來我未同d game除衫,就咁擺落去NDS,5係玩唔到架.....哈哈哈....原來我真係機械白痴......哈哈哈....

    响Lemioi屋企玩到過左最後果班巴士...結果又轉車答地鐵....

    Lemioi...多謝你呀....唔該哂你呀今晚......

    好感謝上天....您賜左個好好既朋友俾我...!!!

    今日係星期一,蓮姐放左我...變左得我一個人睇鋪......

    今日好free.....又冇咩做.....舒服左一日咁多....不過....就係因為太舒服....所以好明顯今日係冇生意.....我返十一點....空到下午成4點幾先開第一張單....仲耍係幾十蚊....

    嘩~~~真係成個人都震緊~~~點算....點報數???一股無形既壓力就開左黎啦~~~好驚好驚~~結果~~到最後....我都只係做得果八百幾蚊生意......報數果陣.....老世當然唔高興啦.....但....我真係冇辦法....入黎鋪既客人十隻手指數得哂....唉唉唉~~~

    放左工去左見老公浩文.......不過佢都有安慰我......唉.....尋日做萬六.....今日竟然做八百幾.....老世梗係嬲啦.....不過.....有老公你錫番....我好快冇事啦...