哈哈~~今日好開心呀今日去左廸士尼樂園呀!!!心情好興奮呀!!!未入去之前簡直就好似一個細路女咁...又好奇啦...又心急!!我對架廸士尼列車好有興趣,佢個window啦~扶手個圈圈啦~係米奇老鼠型黎架~仲有佢d坐位啦..係梳化黎架~好舒服架!!!仲有廸士尼人物銅像!每一樣我都有影底佢架!!!
終於到目的地啦!!不過仲要行一段路先到!!買完飛就去排隊入場!!排排吓先知原來佢o地要check bag架~~因為唔俾帶o野食入去架!!!當時我地一行5個人...有婆婆啦..姨婆啦..表舅母啦..表哥啦..仲有我!!! 個個都响到問"點算呢?"因為婆婆帶左幾個麵包,我就猜左筒餅乾!咁點呢.....?最後我地唯有將佢地放落我同表哥個袋既暗格到...希望瞞到啦!!!!.......到我地啦~d職員只係望一望我地個袋里面係咩!然之後就"揸"左一下!佢地要聽吓有冇d咩聲,冇既話又感覺唔到既!!!咁你就好彩啦!!!最後...我地好彩o既一份子!!....就咁入左去lu~~
入到去..首先我地入左廸士尼展覽館!之後...就開始左我地個"廸士尼排隊世界啦"~第一樣我地去排既就係火車..今日太多人啦!平時架火車會圍住廸士尼行架~但今日只係行半個圈咋~去到個地區叫"幻想世界"落車之後..我地就排第2樣...小熊肥肥歷險之旅(小熊維尼)嘩~~真係好得意呀...我地坐佢個蜜糖缻去遊架~~坐佢入去睇阿肥既世界!!哈哈!!仲有跳跳虎啦,小豬啦...好多好多...超可愛呀佢地!!!雖然我地差唔多排左成個鐘,但..見到佢地咁得意可愛!咩都低番哂啦~~跟住我地都唔知玩咩好...?但大家都肚仔餓lu!去左廸士尼既餐廳!佢do野食...好貴!!!食飽之後就同表哥諗緊玩咩...响地圖到見到個好似幾剌激咁既名!"飛越太空山'...見到個名咁得...梗係要表哥同我玩啦!咁激既野梗係唔適合老人家玩啦!於是我交低左相機俾婆婆佢地...話俾佢地知巡遊路線係點行...咁我同表哥就放棄左睇巡遊走左去攞個太空山既Fast Pass..點知..個fast pass要我地成6點幾先返去...但個職員話排隊要一個鐘....我見我地又冇咩想玩...咁梗係揀排隊啦即時!!!......(差不多一小時)終於到我地啦..上車之後...望住前面...嘩~~黑咪蚊既~~駛唔駛呀~~搞到我成個人都緊張哂~~.....開車啦~~yeah~~嘩~~超快呀!!!..但里面好靚架~真係好似太空d銀河系咁呀~~!!!......(3分鐘後)玩完lu...都幾剌既!!哈哈!!我表哥話番俾我知佢由頭到尾都唔敢睜開眼呀!!!哈哈哈~~~笑死!
同表哥玩完之後...我地去左排隊同小熊肥肥影相呀!!!我冇記錯既話我地排左4個字!哈哈!排排吓有人大聲同我地d人講"唔好意思呀!我朋友有好重要既野同佢女朋友講呀!阻大家5mins,sorry呀!!".......原來個男仔向佢女友求婚呀~~!!!~~哈哈~~好Sweet呀~跟住我地排緊隊既人全部都為呢對情侶拍手歡呼!!! (^.^)....到我地啦!哈~跳跳虎幾頑皮呀...佢係都要將我件衫頂帽笠落黎我到...小熊肥肥就"Q"住我隻手..就係咁同佢地影左張相o勒~~之後我地排米奇老鼠...哈...我終於可以實現到....同米奇黎個熊抱啦~~~哈哈哈~~~超級開心!!!本來可以排埋唐老鴨架...但表舅母黎叫我地快D去會合佢地...因為佢地幫我地攞左"巴斯光年"既 FAST PASS!仲話就快夠鐘...叫我地快D去喎~~嗚嗚嗚~~~我同唔到唐老鴨影相啦~~去到會合番佢地..就有個好消息...表舅母佢地唔走住...玩埋今日....聽日先返廣州!! 哈..咁我地就可以玩哂佢..最後...可以睇埋煙花啦...
去到巴斯光年到...就用左個合法既插隊方法...(FAST PASS)....入到里面...嘩~~超得意呀...巴斯光年係咁用英文叫我地準備...(我淨係識聽呢句..哈哈)....到我地啦....要揸鎗射怪獸架~~哈哈~~~幾得意呀~~最後....我地走去探險世界到玩"森林河流之旅"..玩玩吓...個船長話"小心左面呀!!"......唔~~~!!!!(一一")....我濕哂呀!!!嗚嗚嗚~~~原來有隻大笨象從河中升上黎濆水呀~~~我地坐左面D人....中哂啦~~我件衫頂帽仲入哂水o添~~~最後....仲又火又霧水係咁濆面...呢個...都幾好玩既.....
玩完之後我地去左睡公主城堡呀~~當然要影相啦呢個....仲俾人誤會我同表哥係一對o添~~~搞笑~~~跟住去左街美國大街睇精品~~最後....我地行番去中央地帶揾地方坐....因為我地要等睇煙花!!!
個煙花都要十幾分鐘架!!!睇完之後就梗係急急腳咁走啦...大家都肚仔餓啦嘛~~要返出市區食飯啦~~!!!
其實我地仲有好多野未玩架...如果真係要玩哂佢既話..仲要睇埋show呀...巡遊呀咁....真係要晨咁早就要去到呀~~哈哈哈~~~!!!
好攰呀~~玩左成日啦~~雖然排隊排左好耐....但...見到米奇佢地咁得意~~咩都底番哂啦~~~哈哈哈~~~!!! (/^o^)/ |
