今日又落雨啦....陣間仲要同老公浩文過對面海見工o添o番~~要去到灣仔呀.....希望佢捱到呢份工啦......因為我知呢份仲辛苦過佢以前果份好多架...我好擔心......如果係咁....我真係寧願你去大家樂果d到做好過.....因為我太清楚你性格....啦......!!!唉.......總之....我好擔心係啦.....今日心情唔多好.....--"

6月6日

  今日同浩文一早起身去左坪石果面in保安...雖然佢自己都知佢冇保安牌...但仍願意一試....我真係好開心...佢仲話肯跟我阿媽返工去xx會果到做水吧...我真係好開心...因為我覺得我老公好似真係大個左咁...識諗左...!!!我亦感到一點安慰!!!

6月5日

  今日同浩文返左入樂華繼續整間新屋...我地未來o既小天地...超攰囉...中途我地見到有保安招聘日...佢即時打電話去登記....好開心....老公開始識得自動自覺....但....我始終未能夠開心得咁早...!!!...因為...我仲係擔心緊~~~

6月4日

  今日有開心有唔開心..先講唔開心先...就係....佢唔知因為咩事而打番俾佢上一條女...當我知道之後..當然好唔開心啦..我接受唔到囉...佢自己發誓話過唔會再搵佢地架嘛....雖然佢只係打左個電話...咩都冇做過..但係...都係咁話姐...打左俾佢又唔話俾我知...咁算係咩意思呀...冇野既話做咩唔話得俾我知先..但佢又死口話佢唔係鍾意返佢....只係因為早幾日我同佢因為間新屋嘈過幾次...所以...唔開心...想搵返以前條女傾計...其實佢呢個理由我會接受..事關佢係由細到大都有反叛心理...呢點我都明白...特別係我成日都會為d小事係咁嘈..我自己都有唔啱....所以...但我控制唔到我自己....因為我覺得佢打番俾佢個x...已經係對我唔住...但..我嘈到拆天咁又點呀...佢唔打都打左...但我真係好mind呢樣野...事關我第一次拍拖..我唔想衰..反而我諗諗吓...我覺得..如果我繼續嘈繼續鬧既話..我反而覺得會仲衰多2成..因為呢個人..我太清楚啦...你話佢話得多...佢就偏要做黎激你...反而你唔話佢..佢就唔會做...仲會反思o添o番~~所以諗多兩諗..我都係繼續對佢好..要比以前更加好....因為.........我要你內疚!!!

  到左晚上..我同佢一齊坐巴士..佢攬住我講左一d好內疚既說話...我好感動...但我真係唔知仲可以信得幾多...我果刻淨係識得攬住佢...淨係識得喊...由上車喊到落車..我喊唔單止感動...仲係因為我好驚好怕...我怕佢會再呃我...但...果刻既我...只係同佢講..."如果你再呃我...到我死果日都唔好講個真相我知..."因為..我怕面對現實...同浩文一齊左成10個幾月...中間發生左好多事...我發覺原來知得太多....睇得太清..會令自己唔開心得仲多...!!!

    今日同老公豬十個月啦~~呢十個月真你得來不易~~雖然今日同你過得好平淡...但....平凡是褔呀嘛...!!!

   今日起左身...冇咩做呀...到下午...坐左响間房到整吓野...我...又發作啦...又係咁問佢野...又响到發脾氣啦...

   次次問佢野...佢就係咁話我點解要問...仲話"我同你一齊開心咪得囉...做咩係都要問姐...你知道之後...又係响到嬲...之後又搞到我地唔開心..."......諗落佢...都講得啱既...

   但係...唔知點解...我總覺得佢對我唔夠體貼...覺得佢對之前d女仲好過對我... 之後佢出左去...唔知佢去左邊...我就响間房到係咁喊....喊到收唔到聲bor...但..冇幾耐..佢就sms過黎同我講..."我唔知仲可以同你講d咩...只想講"我愛你" ...", 但我冇覆佢bor...之後佢原來出左去踩單車...跟住...就再sms俾我...叫我望出窗口..哈哈哈..我見到佢用佢個身體黎做左L-O-V-E 呢4個字呀...哈哈哈...仲有人望住佢o添bor...算你啦...你肯咁樣黎氹番我....我諗....呢樣野...唔係咁多男仔會肯咁樣做......

   之後...冇事啦....到左夜晚...我地又去睇大戲啦....哈哈...原來都幾好睇架...有故事...有劇情...ok個bor...之後我先知...原來我睇緊果演員...佢地好出名架...仲有fans千里迢迢包車黎到睇佢地添架...嘩...咁我咪好好...唔駛$$就可以睇到佢地表演..仲坐第一,二行tim bor....yeah..!!

   今日...同浩文都幾晏起身呀...成十二點幾...差唔多成點鐘啦...!!!...嘻嘻...都幾唔好意思....原來佢麻麻同佢姑姐一早出左去飲茶...之後仲攞左野返黎俾我地食添~~真係唔好意思..唔該哂..!!!

   之後...同浩文出左去市區...買野...唉...要响佢麻麻到住成4日咁多...點都要買番D野俾佢老人家既...

   4點鐘到啦...我地返到入去啦...跟住..老公豬就要去上香...拜神...因為佢係男丁嘛...哈哈哈...咁我...就跟住大隊行啦...佢地要行到好上架...然之後成條村D男丁都要幫手...當然包括我老公豬浩文啦...之後...哈哈哈...佢仲有份舞獅添bor...好型仔呀佢...嘻嘻...

   到左夜晚...有大戲睇啦...佢姑姐仲幫我地霸埋位添...其實..佢姑姐相處落...都冇咩野呀...點解浩文個爸爸會咁講佢架...之後...我地仲同埋佢麻麻啦..佢阿嬸啦...佢堂細佬..細妹一齊睇啦..好開心..  ..

   佢嬸嬸仲同我講...話浩文好緊張我....好在乎我....哈哈...係呀佢係咁講架...佢仲話之前有一次浩文帶過一個女仔入黎...佢話浩文都唔理佢既...個女仔話要走...但係浩文叫佢自己走....嬸嬸話個女仔其實係想浩文陪佢走架...哈哈...我贏左!!!...個女仔我唔講邊個啦...我早幾日响日記到鬧得佢咁勁...依家..條氣...順哂...!!!..呵呵呵~~

   不過...之後同浩文都係嘈左幾句...咪都係因為果個賤女人囉...唉...有時...我都幾細路女既....成日...為d小事黎嘈...講真...佢對佢之前d女係點...都係之前既事...最緊要佢依家鍾意果個係我就得啦...我又何必成日都要咁樣嘈呢..不過..人地係女仔黎架嘛...梗係想佢氹番我啦...不過...到最後..當然係我勝利啦...呵呵....佢之後...仲買左隻kuromi公仔俾黎氹番我添呀...(話時話...點解果到有得賣既?..) 佢嬸嬸坐响我隔離...佢一見到仲話得意添...佢仲話.."拿..都話佢緊張你,在乎你架啦..之前個女仔,浩文邊到有咁好對佢呀..!!!...哈哈哈...我簡直係贏左個賤女人成9條街呀.....Yeah~~!!!

   今日好開心呀...因為今日同浩文返左入去大埔...因為佢話逢新年..佢地圍村都會有野搞架...仲歌聽...又有大戲睇...最重要既係...老公最想既..."舞獅"呀....!!!

   終於入到去啦...嚇死我啦...原來佢麻麻間屋有2隻狗架......一隻叫狗仔...一隻叫LUCKY呀...狗仔好惡架...見到人就係咁吠...不過...佢得把聲架咋...我同浩文試過玩吓佢...作狀攞野打佢...哈哈...佢即刻調頭走喎...!!!...都係LUCKY乖D...所以....我摸過佢..哈哈哈...佢成日要人同佢玩架...!!!

   左到黎之後...老公成日問我悶唔悶...佢話驚悶親我...因為我地响入面好少活動架...係到夜晚...先有野睇...今日入左黎...就冇返出市區LU...我諗....都要第日先...

   今晚未有大戲睇住....今晚係第一晚...佢地請左人黎唱歌呀...唔知係咪唱時代曲既關係呢...個戲棚唔算太多人...!!!

   搞笑囉...佢個麻麻話叫我地沖涼坐响到...咁就沖唔濕個地喎...哈哈....點都濕架啦...但每次都會拖番個地架我同浩文...

   今日...就咁過左LU...多幾特別呀...!!!