今日瞓得好飽呀~瞓到成12點幾呀!哈...正一爛瞓豬呀~~有時...我都覺得自己幾入型入格架!之後整日响屋企呀...都冇咩做....夜晚約左rachel同阿廸出尖咀唱k....嘩~~原本放假响屋企冇野做都真係幾悶...幾無聊架~~!

     到左7點幾就起行出尖咀!佢地同我慶祝生日呀~~雖然過左正日,但冇計啦!尋曰係星期五..人人都要返嘛~!唯有今日啦~!哈哈~~Vinker都有同我講生日快樂呀~~好開心呀~~

     哼~~!!!阿廸遲到!持住自己住得近!我地到左尖咀地鐵站,佢先話啱啱起步..搞到rachel因為佢而發癲~佢話等佢咁耐...會操狂喎!!!仲話要我俾佢打幾吓...我即時登大眼..佢又話"都係唔好..我唔打人...你俾我"o即"呀?? (@.@)"" 但...佢講呢句野果陣佢雙手已經開始行動啦!佢痴線架..佢咁"o即"人!我寧願佢打我好過..至起碼我有得反抗...我識擋呀嘛~~!!最衰係你啦阿廸...搞到我响地鐵站幾咁核突呀~~!!

     哈...!終於有得唱啦!...但..係...我地真係得標準時間咋...因為果到太多人等位啦....就係咁..我地好快就俾neway趕走左啦~~~果陣都係10:30咋....就係咁....我冇得同Vinker玩lu~~!!! 諗住睇吓佢响佢d friend到唱到幾點......到時睇吓過唔過o黎呀嘛~~依家冇得玩lu~~希望佢玩得開心d啦~~!!!

    哈哈哈~~今日勁開心呀~~因為今日係我生日呀~~Happy Birthday To Me !!!希望日日都開心....瘦身成功!!! Yeah~~!!!

    今日食lunch果陣....阿欣黎同我一齊食飯呀~~到左夜晚....Rachel黎接我放工呀~~佢仲帶埋個蛋糕黎添呀~~之後我地就去左對面個公園開餐啦~~佢仲送左個"小雲"公仔俾我添呀~~~哈哈哈~~~開心死我啦~~~愛死佢啦我~~哈哈哈~~!!!

    今日返工d時間好唔夠用呀~~因為落左d新貨落黎....但我又冇佢地d價錢紙...搞到我都黎唔切放佢地出街....仲有喎~~d貨又多又大件...仲要係好晏先黎到...我真係唔知點樣安置佢地好呀~~左塞右塞都擺唔哂...仲衰到要將所有貨品變哂做9折....我黎唔切做呀~~~唉~~~聽日實做死個同事啦~~ ><" 因為..............我放假!!! 連千色店d人都話未見過我咁忙... .....哈哈~~如果係分開黎忙就好啦~~~咁我就唔駛日日都眼光光等放工啦~~~日日响到倒數!!! 哈哈...再唔係就成日揾osim d人傾計...哈哈.....

    今日勁搞笑...同osim d sales傾計...發覺原來有個女仔好叻架....佢識得好多野架....之後....另一個走埋黎....成日响到模仿我....扮我笑果個樣...就係咁...同佢地傾傾吓....當我返番埋counter果陣....已經成1點鐘啦~~~嘩~~~d時間過得真快....哈哈~~~俾人知道實鬧死我啦~~哈哈哈~~~我就係咁衰!!!!! 哈哈哈~~~

    今日rachel黎揾我食lunch...聽日就輪到阿欣啦~~太開心啦~~~今日好似有d傻傻地咁~~做咩野...都好想玩咁既~~~不過....可能係我迎接生日啩....响到倒數緊啦~~哈哈哈~~因為搭正12點果陣.....d感覺好特別架....

    記得舊年既今晚...我响機埸...因為我即將要帶團飛去韓國...當時我成日諗....點解唔可以遲多2日姐....咁我可以同d朋友仔過呀嘛~~不過....咁大個女...第一次响外地過生日...個感覺都幾特別既...等緊上飛機果陣...剛好搭正12點...心里面就靜靜地同自己講左句"生日快樂" !!!當然唔少得"今團順利"啦~~~~之後~~~竟然俾我發現!!!原來响我個團里面有個小朋友同我同一日生日架...哈哈~~感覺同個小朋友好親切架~~果幾日同班團友都好好傾~~所以過左一個好愉快既生日呀~~~依家回想起~~真係好開心架!!!

     依家已經好夜啦~~我等緊一個人同我講生日快樂架~~好可惜...當我一online..佢就按左"忙碌"....咁啱又要俾我見到....唔知...我係咪講野激嬲左佢呢~~但...我又諗唔到有d咩激嬲佢喎~~~更何況....佢都唔係咁少氣既人黎既~~~不過.....點解好忙碌唔忙碌...要等我online先黎拑忙碌架~~~唔通...佢唔想我同佢講野??唔想我煩佢??由我online到依家...佢都仲係遠離緊....想點呀~~~??? 咪住...唔得....我唔可以咁樣諗野既...人地又唔係我邊個...佢做咩都得架啦~~我又是响到想得太遠啦~~~咁樣...我會唔開心架~~!!! ><" 生日要自己過得開心d~~~yeah~~!!!

    嗚嗚~~~~今日俾人話我似印度人喎~~做咩姐..人地只係紮起左個頭之嘛~~就話人地似印度人.....哈哈~~不過算啦...佢唔係第一個咁講既...之前做領隊果陣....去到外地...當地d導遊呀~~司機呀...仲有其他工作人員都係咁講我既..話我d面口唔似香港人喎~~~咁又係既...唔到我自己唔信....有一次响泰國...個行程係要帶d客去行商場..咁我咪响街自己一個人行囉....點知行行吓有人走埋黎想同我做問卷喎~~當場想笑死呀~~佢當左我係自己人囉...因為佢用泰文同我講野架...我唯有話番俾佢聽我唔係泰國人囉~~哈哈哈~~尷尬死~~!!!

    唉~~~今日做左幾多野架....所以d時間就過得好快勒~~~但係............聽日就.........唉~~~又要悶到要喊多次啦~~~唉~~已經日日都拖慢哂D野黎做架啦~~~奈何D時間都仲係過得好慢......點算呢~~~???

    今日同左同事傾計~~幾個人都叫我唔好咁易就放棄~~因為一切都只係我諗既姐~~人地又冇承認過D咩野...就算要死都唔好死得不明不白喎~~

    咁又係既......一切都只係我想得太遠......話就話可以放棄既.....不過....邊得黎有咁快呀....點都要時間既....但係呢段時間自己都都會好多野諗....因為....自己並冇一個真正既答案~~!!! 好~~~!!! 所以決定俾多次機會自己....黃大仙都話要靠我自己爭取!!!

    (/>.<)/    加油~~!!!