今日放假...瞓到12點幾....paulie打電話俾我...哈哈~~佢唔知我放假....就係咁...俾佢喚醒左~~咁又係....因為好少fair會有得放假架佢話!!!...之後就醒左....起身摺金銀...2點幾先上去玄圓學院拜二舅父...跟住就返番屋企個商場整頭髮....又ok喎~~唔貴仲要整得幾好~~哈哈~~

        整完之後都成7點幾鐘lu~~跟住就同婆婆出去會合媽咪....一齊去唱k!!!...不過....媽咪同婆婆鐘意食野多d....反而我會專注唱歌囉~~~次次都係冇咩點食野~~~!!!嘩~~~我地都唱到成12點幾呀~~~聽日仲要返早~~(9:45am)....(-o-")

        就係咁....我今日只係做左3件事.....就咁就過左我個假日啦~~不過.,.....過得好開心....我諗....最大既原因....係我同佢好番lu....冇事lu...我同佢講左我點解會咁嬲.....不過....佢梗係覺得佢冇唔理我啦~~係佢做左唔覺囉~~但...佢最後尾都氹左我2句叫我唔好嬲...叫我乖D...其實...如果佢一早知我嬲咩....又會一早氹吓我既....我一定唔會嬲佢2日咁耐....因為我係一個好容易就會原諒人既人...唔知呢d叫唔叫心軟呢~~~但有陣時....一見到佢....就真係嬲佢唔落...!!! 今次...就咁算啦~~~

    你仲係咁...點解我嬲左咁耐...你都唔問一句我點解會嬲...?你仲要同果個o靚妹玩得咁開心...你其實都估到我點解嬲架啦~~咁你可唔可以同我了解吓發生咩事呀~~?!唔通你想要人地嬲到連朋友都冇得做..咁先開心呀?你真係想死得咁不明不白咩~~??

        今日...你竟然都只係同佢傾計....同佢食飯...雖然我都知你唔會因為我而唔同個女仔做朋友....但....我只想你正視吓我既存在姐~~你識左個新朋友..就完全將我拋開..仲要當我透明...我係嬲呀~我真係好嬲~我真係從來都未試過咁樣嬲一個朋友~~

        我覺得你依家只會對佢好...完全就冇理會過我...!!!

   我今日終於都忍唔住啦~~日日見住你地......我自己又係咁激氣~~尋晚你同個o靚妹去食野~~雖然都幾想一齊去...但可惜我真係有事要急住返堅企....不過....就算唔急又點呀~~我都係唔會去.....因為我覺得如果我去左我就會好似外人咁坐响到....唉~~哂氣啦~

   到左你返到屋企.....你online叫我...其實果陣我都有提示過我嬲緊你....我真係好唔明...點解個o靚妹咁假....你都仲可以同佢玩得咁埋!!!佢日日都會同我講d令我好唔開心既說話...你梗係唔知啦...你睇唔到又聽唔到...!!!你知嗎~~個o靚好見住我同見你係2個樣黎架~~成日俾說話我聽你又知唔知呀~~佢今日仲竟然好串咁話我蠢呀~~!!响你面前仲識得叫我一聲karrie...你今日响唔到...佢就句句"喂喂"聲啦~

   如果你同一個好既女仔玩....我條氣都順d...但你竟然係同佢....我條氣點都唔順架啦~~日日就受住佢d說話...仲要俾你當透明...咩都顧住佢...完全唔駛理我!!! 唔嬲就假啦~~

   所以...我尋日唔會理你...唔會睬你...我希望你知道我感受!!!

    呢幾日返工都幾唔開心!!! 可能係成日見到d好唔想見到既野...冇哂心機!!! 我一直都以為我知道佢個秘密...大家都會係好好既朋友!!!但係呢幾日..佢識左個女仔....佢地不知幾咁好傾..仲好到會主動搵個女仔食飯..我識左佢咁耐...佢都冇咁約過我!!! 雖然我知道佢地一定冇可能...但...唔知點解...我一見到佢地一齊...我就好唔開心...佢依家就好似完全忘記左我咁..個女仔講d咩...佢都覺得好啱咁...相反我呢...我講一句...個女仔覺得我講得唔啱..就會好直咁即刻駁番我...但...勢估唔到佢竟然做和聲...同個女仔同聲同氣咁話我..."係啦".."咪係囉".."咪就係"...雖然睇落去會覺得好平常咁...但...我唔開心係因為呢d說話竟然係你講呀...雖然..我地平時走埋一齊就好似唔嗌過都唔安落咁...但...我都係女仔黎架...我都有感覺架...你就可以教個女仔好多野...但到我叫你教我呢...你就話要賣左馬仔先...我連同你講野既時間都少啦......你有時間都同個o靚妹傾計,食飯!! 邊到仲得閑理我呀~~~我諗...依家.....我完全比唔上個o靚妹~~

    唔制呀~~!!!公司仲未出糧俾我呀...講明係15號架嘛~~依家幾多號呀~??之前打番去office問又話我係新同事...所以要出票喎~~嘩~~O哂咀啦即刻!!!咁你地應該同我講聲呀嘛~~仲話17號應該有...連18號都未有~~唔好玩啦~~夠啦~~!!!到左今日...當然都係冇啦...今日銀行都唔開!!!office又休息...邊個咁會理我喎~~唉~~黑仔啦~~ (><)"