激氣呀~~~今日一樣野都賣唔到~~有冇搞錯呀~~點同人交代呀~~???份業積表點俾經理睇呀~~~點周我主管paulie交代???人家咁用心教我咁多野....!!!

        唉~~~點解會咁架??我做錯d咩野.....為咩我今日一單生意都冇....???嗚嗚嗚~~~唔開心呀~~!!!~~黑仔o係啦~~!!!

        嘩~~~好驚~~~把聲沙到就黎出唔到聲咁.....同d客講講吓野簡直就痛苦到不得了.....都冇解既...人地感冒之嘛~~整咩野攪到咁先得架~~人地要靠把口搵食架嘛~~~

    但依家.....唉~~~~~!!! 好辛苦......

    今日係展鎖既最後一日...我有d唔捨得...因為我唔知我幾時再見到佢啦~~但唔知點解佢今日都係同我食飯......

        到展鎖完左...大家總算鬆一口氣...因為我地追到個target啦~~嘩~~我覺得簡直係打完一埸2個星期既仗...終於走得啦~~但都成10點lu~~因為要等成個場折哂我地先走得...

    成班同事一齊搭地鐵...落到去佢又唔知因咩事串我喎....咪又開戰囉我地2個...佢又想用佢隻"鐵沙掌"hi落我面到.....嘩~~~hi到真唔掂~~肯定會濕哂~~但....係佢串我先既....唔夠佢講咪同佢開戰~~哼!!!!!!我地由上車玩到落車~~d同事個個都話我地係拍緊拖...仲話我地好事近..記得請佢地飲添~~哈哈~~傻啦咁多位~~多謝哂啦~~

        唔知點解我有d唔想走既感覺....所以我叫佢倍我去飲野.....但又由於佢攞住一個好大既袋好鬼重....佢話想返屋企放低先...於是乎我就跟左佢返屋企..嘩~~咁大個女第一次上男仔屋企...仲要係咁夜...點知佢上到去仲要搞一輪先出門口...最好笑一樣野就係...佢知我熱..開左佢個房部冷氣...但佢唔知整咩野"山"左佢度房門....隔左一陣佢就開門出黎同我講"哈~我唔記得左你响出面添~~唔好意思".....你簡直就想謀殺我啦~~死人頭!! 熱死我咩~~??仲要响到笑~~><"

        哈~~等佢果陣....我就覺得我似係一個女朋友耐心咁等個男朋友出門口咁...佢又整野..又online...仲沖埋涼~~~出門口果陣仲要佢行前我行後...仲衰到要我同佢"山"門...搞錯呀~~話哂我過門都係客喎...要我等你咁鬲仲要我幫你"山"埋門.......- -"

        不過......都幾開心既~~因為我覺得我同佢既關係close左~~我諗....上到佢屋企既女仔....我諗我算係第一個~~!!! ^^

        今日我同佢都係返晏...大家都只係食一餐...咁啱又俾我見到佢準備去食飯...咪多口問一句 "喂..你食飯拿?" 哈哈...佢又同我一齊食喎~~幾開心~~算你啦~~見你都冇話個徒弟仔一返番工就同佢食番~~你知嗎vinker?俾人掉低果種感覺真係唔好受.......但...我就係咁樣俾你掉低左成十幾日...你完全咁忘記左我....

        結果有一日我終於忍唔住出哂面咁去嬲你....但你竟然蠢到係咁問點解我會嬲你...你平時成日話我豬.....我諗今次你仲豬過我!!! 其實平時同你講野果陣都好多時暗示緊話你開始唔理我...我仲記得有一次我直頭笑住咁話你知話你已經唔理我...嬲你之前果晚...你同我online講野....其實果陣你都知我嬲你架啦~~因咩解究你竟然咁蠢四圍咁同人講我唔知咩事嬲左你..我仲記得果晚都同你地一齊搭地鐵放工...由放工到落到地鐵果吓我知你都嬲番我轉頭...你嬲我唔知咩事就去嬲你....連同你講一句野都唔肯...但你知嗎?我呢啖氣真係忍左好耐啦~~我唔去出聲鬧你...係因為我好多時都真係嬲你唔落...明明係嬲緊你..但唔知點解一見到你個樣...我就會冇哂事咁~~更何況....我冇咁既權利去嬲你...因為...我唔係你邊個...不過...我同你搭地鐵果刻...你竟然俾說話我聽!!!果刻我好傷心...我有諗過繼續咁嬲你....因為咁樣我就唔會俾機會自己去鐘意你!!...我覺得咁樣我會舒服d..會好過d..咁樣以後你同邊個friend d,我都唔覺得會係d咩問題,......不過...我一諗到咁...又會覺得...咁樣我地以後都唔會有朋友做!!!但....我....唔捨得!!!所以....隔左一兩日...我就揾機會同你講點解我嬲你...我要你知道我既感受...哈...好笑既係你竟然仲覺得我係因為你個徒弟仔對我唔好而嬲你...仲係咁講唔知我同佢之間既事...唉~~~豬呀豬~~~你真係蠢得交關咧~~~我點會因為佢對我唔好而嬲你呀.....我係好直接咁嬲你....唔關人地事架~~~唉~~~你真係好豬~~~!!!

        不過....算啦~~我同你既不愉快事件總算過左去!!! 希望我地友誼永固啦~~!!! (^3^)

     今日大家都好平常咁返工...佢有佢玩馬仔...我有我賣腰帶!!!....不過佢今日就慘d....賣唔到馬仔之餘...d腰帶都冇....今日終於有機會同佢食飯...佢梗係覺得同唔同我食都冇問題啦~~但....對於我黎講...就梗係會緊張d啦~~因為今日個女仔放假我先可以同到佢食咋~~但到左聽日...佢一定會同返個女仔食啦~~~所以...我今日點都同佢食番一次飯~~哈~~我就係咁!!!

        我同佢一起埋一齊....真係會好嘈....因為大家都成日互"侄"對方!!!我仲成日都會出手打佢添~~所以成日俾人誤會我地係一對....!!

          好似今日咁....放工果陣佢又話我件衫係成10年前買既...又話呢樣又話果樣...又話我著左仲更加肥喎~~激死人~~><""咪又打佢囉咩事呀~~~!!!一手差住佢條頸....結果咪Andy話我地係兩公婆囉~~到左落地鐵...大家都仲係嗌唔停....連D同事都頂我地唔順......終於有一刻安靜...佢唔係走左.....而係同佢果"朋友仔"講電話...本來都打算唔理佢架啦~~~大家休戰...但佢係都要辣著我......佢竟然同佢個"朋友仔"講話有隻豬响到影相囉...事關我攞住同事部電話黎影相...佢隻死野就係咁話我勒~~結果咪又捉住佢黎打囉~~打佢果陣都仲死唔忍衰~~仲要話我係諸羅紀~~結果咪捉住佢隻手係咁打囉~~但捉捉吓~~~我發覺佢手發紫...因為冇血到呀~~可想而知我地係玩成點...佢仲係都要講D野黎"侄"吓我...結果我就玩到捉埋佢條頸....佢俾我捉到..到到都紅哂~~哈~~邊個叫佢咁抵死~~!!! 到左旺角站..成排坐位既人都走哂...我咪拑佢落去囉...佢把口都仲係唔肯停...我地玩到俾其他人望住都唔理~~照玩..落車都仲係咁...2個痴哂線咁~~

      响佢電話到既"朋友仔"...就唯有問我係咪鐘意左佢...係咪要同佢爭?唔好傻啦~~"朋友仔"...我地根本冇可能...連佢都响電話到講佢同我唔會有可能...其實我真係冇勇氣去承認我係鐘意佢....但就算有勇氣又點....個答案都係一樣唔會變!!!所以..我會選擇同佢做對咁樣既朋友....或者我會開心好多...我永遠都唔會話俾佢知...我只會將我既感覺收埋响心入面...希望佢永遠都唔會知!!!否則...我會冇左個朋友!!!